Dibala "Yuventus"ga qaytishi mumkin
/ Kiritdi: BestMaster O'qilgan: 14572
Paulo Dibala yana "Yuventus" safiga qaytishi mumkin.
Turin klubi argentinalik futbolchining agenti bilan uning jamoaga ehtimoliy qaytishi masalasini muhokama qilgan.
Dibala 2022 yil yozida erkin agent sifatida "Roma"ga o'tishidan avval "Yuventus" safida etti mavsum to'p surgandi.
Hujumchining "Roma" bilan amaldagi shartnomasi oy oxirida yakuniga etadi. Rim klubi 32 yoshli futbolchi bilan yangi bitim bo'yicha muzokaralarni davom ettirmoqda, ammo buning uchun Dibala maoshini kamaytirishga rozi bo'lishi kerak. Ayni paytda u yiliga 7 million evro ishlab topmoqda.
Avvalroq argentinalik futbolchi mavsumda o'tkazilgan o'yinlar soniga bog'liq bonuslar bilan birga 2,5 million evro maosh olishga rozilik bergani haqida xabar berilgan edi.
"La Gazzetta dello Sport" ma'lumotiga ko'ra, "Roma" hozirda Dibalaga yiliga 2,5 million evro maosh taklif qilmoqda. Futbolchining o'zi va uning vakillari esa yiliga 3 million evro hamda qo'shimcha bonuslar talab qilmoqda. Tomonlar bir yillik shartnoma va yana bir yilga uzaytirish imkoniyatini muhokama qilmoqda.
Shu bilan birga, Dibala va uning agentlari boshqa klublarga o'tish ehtimolini ham inkor etmayapti. Bugun "Yuventus" hujumchining vakillari bilan bog'lanib, ehtimoliy transferning moliyaviy shartlarini muhokama qilgan jamoalardan biri ekani ma'lum bo'ldi.
Hozircha bu muloqot "dastlabki aloqa" sifatida baholanmoqda va turinliklar keyinchalik aniq amaliy qadam tashlaydimi yoki yo'qmi, hali noma'lum.
Teglar: dibala, yuventusga, qaytishi, mumkin,
← OldingaOrqaga →
Bosh sahifaga
531
20 Iyun 2026, 08:56