Fotomaqola. O'zbekiston Portugaliya bilan o'yinga qanday tayyorgarlik ko'rmoqda?
/ Kiritdi: BestMaster O'qilgan: 2696
Fabio Kannavaro boshchiligidagi O'zbekiston terma jamoasi Jahon chempionatidagi yurishini Kolumbiyaga qarshi o'yin bilan boshladi.
Garchi natijada mag'lubiyatga uchragan bo'lsakda, o'yin tomonlama kuchli raqibga munosib qarshilik ko'rsatishga harakat qildik. Futbolda eng muhimi keyingi o'yin hisoblanadi. Kolumbiya bilan bahs tarixda qoldi, asosiysi xatolardan kerakli xulosa chiqarilsa bo'lgani. “Oq bo'rilar”ni oldinda Portugaliya sinovi kutmoqda. Ronaldu yetakchiligidagi jamoa ilk turda Kongo bilan durang o'ynadi va endilikda raqib O'zbekiston. Vakillarimiz bo'lajak o'yinga tayyorgarlikni davom ettirmoqda. Saytimiz fotografi Jahongir Fayzullaev mashg'ulot jarayonidan suratlar bilan bo'lishdi.
Fabio Kannavaro har bir futbolchining harakatlarini diqqat bilan kuzatmoqda. Oldindagi bahsda uning qabul qiladigan qarorlari muhim hisoblanadi. Mashg'ulotlarda futbolchilarimizni yaxshi tayyorlashiga shubhamiz yo'q. Ko'ramiz, u Portugaliyaga qarshi qanday sovg'a hozirlayotgan ekan?
Abduqodir Husanov o'tgan o'yinda yomon harakat qilmadi, kerak bo'lsa xatto operatorni ham ayagani yo'q. Shunday ekan ikkinchi turda ham undan raqiblar yo'liga haqiqiy qalqon bo'la olishini kutib qolamiz. Husanov Portugaliya terma jamoasi tarkibidagi bir nechta futbolchilar bilan APLda to'qnash kelgan.
Umar Eshmurodov mashg'ulotlarda astoydil ter to'kmoqda. U zaxira futbolchisi bo'lishiga qaramay, mashg'ulotlarda asosiy tarkib vakillaridan kam mehnat qilayotgani yo'q. Tajribali himoyachining bunday tinimsiz harakati murabbiylar shtabi uchun sog'lom raqobatni kuchaytirishda ayni muddao bo'lmoqda.
Garchi so'nggi o'yinlarni zaxira o'rindig'ida boshlagan bo'lsa-da, Eshmurodov har daqiqada maydonga tushishga va jamoaga yordam berishga shay ekanligini ko'rsatmoqda.
Shuningdek, tarkibdan joy ololmayotgan Jaloliddin Masharipov ham mashg'ulot jarayoniga jiddiy kirishgan. Futbol jamoaviy sport turi bo'lgani bois, uning maydondagi daqiqalari emas, balki aynan mana shu jamoaning bir bo'lagi bo'lib turganining o'ziyoq tarkib uchun katta yutuq hisoblanadi.
Kolumbiyaga qarshi bahsda mudofaa chizig'ida ishonchli va mazmunli o'yin ko'rsatgan Abdulla Abdullaev ham bo'lajak uchrashuvga shay holatda. Uning mashg'ulotlardagi ishtiyoqi va jismoniy holati vakillarimizning himoya qo'rg'oni keyingi bellashuvda ham mustahkam bo'lishidan dalolat bermoqda.
Olg'a, O'zbekiston. Portugaliyaga qarshi uchrashuvda ham irodamizni namoyish qilishimizga ishonch bildirib qolamiz. Jahon chempionatini biz bilan kuzatishda davom eting.
Homiylarimiz: CAU, “InfinBank”, “AKFA”, “Ucell”, “TT LLC”, “Black Cofee”, “OfoTour”
Teglar: fotomaqola, ozbekiston, portugaliya, bilan, oyinga, qanday, tayyorgarlik, kormoqda?,
← OldingaOrqaga →
Bosh sahifaga
611
Bugun, 18:38