Braziliya terma jamoasi yetakchisi uchun JCH yakunlangan bo'lishi mumkin
/ Kiritdi: BestMaster O'qilgan: 4504
Braziliya terma jamoasi vingeri Rafinya 2026 yilgi Jahon chempionati "S" guruhi 3-turidan o'rin olgan Shotlandiyaga qarshi o'yinni (25 iyun kuni) o'tkazib yuboradi, deb xabar bermoqda jurnalist Fabricio Romano o'zining X (sobiq Twitter) ijtimoiy tarmoqdagi sahifasida.
Braziliya terma jamoasi tibbiy ko'rigi natijalariga ko'ra, Rafinyaning o'ng sonida mushak jarohati aniqlangan. Rafinya intensiv davolanish kursini o'taydi, u Jahon chempionatida terma jamoa ixtiyorida qoladi va turnirning keyingi bosqichlarigacha tiklanishga harakat qiladi.
Shuningdek, ispaniyalik jurnalist Xavi Ernandes Navarroning xabar berishicha, Braziliya terma jamoasi hujumchisi Rafinya katta ehtimol bilan 2026 yilgi Jahon chempionatida boshqa maydonga tusha olmaydi.
JCH-2026 guruh bosqichi 2-turidan o'rin olgan Gaitiga qarshi uchrashuvning (3:0) 40-daqiqasida Rafinya shikastlanish tufayli zaxiraga olingan edi. Maydondan chiqishdan oldin futbolchi maydonga o'tirib qolgan, shundan so'ng shifokorlar unga tibbiy yordam ko'rsatish uchun maydonga tushishgandi.
Teglar: braziliya, terma, jamoasi, yetakchisi, uchun, yakunlangan, bolishi, mumkin,
← OldingaOrqaga →
Bosh sahifaga
509
21 Iyun 2026, 09:16