Diogu Dalot: "O'zbekiston kurashuvchan va agressiv terma jamoa ekan"

2026-06-21 20:54:01 / Kiritdi: BestMaster  O'qilgan: 13820

Portugaliya terma jamoasi himoyachisi Diogu Dalot O'zbekistonga qarshi o'yin haqida o'z fikrlarini bildirdi.

"Eng muhimi – g'alaba qozonish. Ishonchli bo'ladimi yoki yo'qmi, g'alabaning oti – g'alaba. Guruhdan chiqish uchun faqat uchta o'yin bor va har bir ochko juda qadrli. O'zbekistonning Jahon chempionatidagi birinchi o'yinini kuzatdik. Ular juda kurashuvchan va agressiv terma jamoa ekan. O'yinchilarining yakkakurashlardagi mahorati yuqori, shuning uchun oson o'yin kutmayapmiz. Kongo bilan o'yindagi kabi ular bizga ham qiyinchilik tug'dirishi aniq. Ammo bizning vazifamiz – echim topish va g'alaba qozonish. Bu bizning asosiy maqsadimiz.

O'zbekistonning beshta himoyachi bilan o'ynashiga kelsak, ha, chuqur himoyalanadigan jamoaga qarshi o'ynash doim qiyin. Ayniqsa, raqib zich himoya chizig'ini shakllantirganda, bo'shliqlarni topish oson emas. Birinchi o'yindagi xatolarimizdan biri ham shu bo'ldiki, markazda tezkor echimlarni topa olmadik. Endilikda biz tayyor reja bilan birgalikda, o'yin davomida vaziyatga qarab moslasha olishni ham o'rganishimiz kerak. Raqibning himoyaviy uslubi qanchalik agressiv bo'lmasin, bizda bu to'siqni yorib o'tish va g'alaba qozonish uchun etarli salohiyat va sifatli futbolchilar borligiga ishonaman", dedi 27 yoshli futbolchi.

Teglar: diogu, dalot, ozbekiston, kurashuvchan, agressiv, terma, jamoa, ekan,
← OldingaOrqaga →