Fransiya - Iroq LIVE

2026-06-23 02:36:01 / Kiritdi: BestMaster O'qilgan: 4800

Birozdan so'ng futbol bo'yicha 2026 yilgi Jahon chempionati "I" guruhi 2-turi doirasida Fransiya va Iroq terma jamoalari o'zaro bahs olib boradi.

Uchrashuv Filadelfiyadagi (AQSH) "Linkoln Faynenshel Fild" stadionida o'tkaziladi. Bosh hakam sifatida Dryu Fisher (Kalgari, Kanada) ishlaydi.

Jamoalarning asosiy tarkiblari:

Fransiya: Menyan, Din, Yupamekano, Kunde, Saliba, Kone, Rabo, Dembele, Mbappe, Olise, Barkola.

Iroq: Basil, Ali, Taxsin, Xashem, Doski, Bayesh, Ikbal, Al-Ammari, Ismail, Kasem, Xusseyn.

Birinchi turda fransiyaliklar Senegalni (3:1) mag'lub etgan bo'lsa, Iroq Norvegiyaga (1:4) imkoniyatni boy bergan edi. 3-turda Fransiya Norvegiya bilan (27 iyun), Iroq esa Senegal bilan (26 iyun) to'qnash keladi.

Guruh bosqichi 11 iyundan 27 iyungacha bo'lib o'tadi: jamoalar aylanma tizimda o'ynab, uchtadan o'yin o'tkazadi. Har bir guruhdan eng yaxshi natija qayd etgan ikkita terma jamoa, shuningdek, uchinchi o'rinni egallagan sakkizta jamoa pley-offga yo'l oladi.

Teglar: fransiya, iroq, live,
← Oldinga Orqaga →