Anchelotti Braziliyaning Shotlandiyani mag'lub etib, pley-offga yo'llanma olganiga izoh berdi
/ Kiritdi: BestMaster O'qilgan: 860
Braziliya terma jamoasi bosh murabbiyi Karlo Anchelotti JCH-2026 guruh bosqichi 3-turidan o'rin olgan Shotlandiyaga qarshi o'yindagi yirik g'alaba (3:0) haqida gapirdi.
"Hozir biz bir jamoa bo'lib harakat qilyapmiz - bu bizning maqsadimiz edi. Biz mukammal emasmiz, hali ishlaydigan jihatlar bor. To'p nazoratida tezlikni oshirishimiz kerak. Men mamnunman, jamoa yaxshilandi va barqarorroq bo'ldi. Pley-offda mustahkamlik muhim ahamiyatga ega. Birinchi o'yinga qaraganda xatolarimiz kamaydi, temp paydo bo'ldi va hujum samaraliroq tus oldi", - deya Anchelottining so'zlarini keltiradi Globo.
Braziliya guruhda birinchi o'rin bilan pley-offga yo'l oldi. "Pentakampeonlar" hisobida uchta o'yindan keyin 7 ochko bor. Marokash ham 7 ochkoga ega, biroq to'plar nisbatiga ko'ra braziliyaliklardan orqada. Uchinchi o'rinni 3 ochko bilan Shotlandiya egalladi. Stiv Klark shogirdlarida haliyam pley-offga chiqish imkoniyati mavjud. Gaiti terma jamoasi esa biror ochko ololmay, kvartetni yakunlab berdi.
Teglar: anchelotti, braziliyaning, shotlandiyani, maglub, etib, pley-offga, yollanma, olganiga, izoh, berdi,
← OldingaOrqaga →

Bosh sahifaga
712
25 Iyun 2026, 13:47