Abduqodir Husanov "Forbes" jurnalidan o'rin oldi
/ Kiritdi: BestMaster O'qilgan: 28616
O'zbekiston milliy terma jamoasi hamda Angliyaning "Manchester Siti" klubi himoyachisi Abduqodir Husanov "Forbes Sport" tomonidan JCH–2026 ishtirokchisi bo'lgan 48 mamlakat futbolchilari orasida eng yuqori daromad topuvchi futbolchilar reytingida 38-o'rinni egalladi.
Husanov mazkur reytingga kiritilgan yagona o'zbekistonlik futbolchi bo'ldi. "Forbes Sport" hisobotiga ko'ra, uning bir yillik daromadi 6,2 million AQSH dollarini tashkil etadi. Shundan 5 million dollar maosh va futbol faoliyatidan tushgan daromad bo'lsa, yana 1,2 million dollar reklama shartnomalari, tijorat loyihalari hamda boshqa manbalar hissasiga to'g'ri keladi.
"Forbes Sport"ning qayd etishicha, futbolchining asosiy hamkorlaridan biri "Puma" hisoblanadi. Shuningdek, 2025 yilda yo'lga qo'yilgan AK45 energetik ichimliklar brendi ham uning daromadini baholashda inobatga olingan.
Reytingda birinchi o'rinni yillik 280 million dollar daromad bilan Krishtianu Ronaldu egalladi. Ikkinchi o'rindan 130 million dollar bilan Lionel Messi joy olgan bo'lsa, kuchli uchlikni 95 million dollar daromadga ega Kilian Mbappe yakunlab berdi.
Teglar: abduqodir, husanov, forbes, jurnalidan, orin, oldi,
← OldingaOrqaga →
Bosh sahifaga
644
27 Iyun 2026, 15:22