Marselo Belsa: "Men Urugvay futboliga hech narsa qoldirmayapman"

2026-06-27 08:39:01 / Kiritdi: BestMaster  O'qilgan: 898

Marselo Belsa Urugvayning Jahon chempionatidan chiqib ketganidan so'ng terma jamoadagi faoliyatiga og'riqli yakun yasadi.

– Men Urugvay futboliga hech narsa qoldirmayapman. Hech narsa. Agar natija bo'lmasa, murabbiyning qo'shgan har qanday hissasi nolga tenglashadi.

Saralash bosqichidagi to'rtinchi o'rin befoyda bo'lib chiqdi. Amerika Kubogidagi uchinchi o'rin ham - xuddi shunday. Jahon chempionatidagi ishtirok haqida esa… bu yerda tushuntirishga hojat ham yo'q.

Avvalroq murabbiy va jamoaning yulduzli futbolchilari o'rtasidagi munosabatlar yomonlashgani haqida xabar berilgandi. Bugungi uchrashuvning 57-daqiqasida Federiko Valverde zaxiraga olinayotgan vaqtida libosi bilan og'zini yopgan holda murabbiyga nimadir dedi.

Eslatib o'tamiz, Urugvay terma jamoasi guruhda 2 ochko to'plagan holda pley-off yo'llanmasidan mahrum bo'lishdi.

Teglar: marselo, belsa, urugvay, futboliga, hech, narsa, qoldirmayapman,
← OldingaOrqaga →