Mavsumni "Andijon"da boshlagan yarim himoyachi klubini o'zgartirdi

2026-06-27 23:27:01 / Kiritdi: BestMaster  O'qilgan: 7958

Jizzaxning "So'g'diyona" klubi transfer bozoridagi faolligini susaytirmayapti.

Tarkibni kuchaytirish ishlarini jadallik bilan olib borayotgan jizzaxliklar safiga yana bir tanish chehra qo'shildi. Jamoaning Tojikistonda davom etayotgan o'quv-mashg'ulot yig'inida tajribali yarim himoyachi Jamshid Boltaboev ham ishtirok etmoqda. Ma'lumotlarga ko'ra, futbolchi faoliyatini katta ehtimol bilan yana "So'g'diyona"da davom ettiradi.

Ma'lumot uchun, Boltaboev Jizzax klubi uchun begona emas - u 2019–2021 yillar davomida "bo'rilar" sharafini munosib himoya qilgan. Futbolchi joriy mavsumning birinchi yarmini "Andijon" libosida o'tkazib, Superliga doirasida 7 ta uchrashuvda maydonga tushgan edi. Endilikda u sobiq jamoasi safida yana yashil maydonga tushishga yaqin turibdi.

Teglar: mavsumni, andijonda, boshlagan, yarim, himoyachi, klubini, ozgartirdi,
← OldingaOrqaga →