Jahon chempionatiga borgan o'zbekistonlik futbolchi terma jamoadagi faoliyatini yakunladi
/ Kiritdi: BestMaster O'qilgan: 7522
O'zbekiston milliy terma jamoasining tajribali markaziy himoyachisi Umar Eshmurodov xalqaro faoliyatiga nuqta qo'yishga qaror qildi.
Bu haqda 33 yoshli futbolchi o'zining Instagramdagi rasmiy sahifasida ma'lum qildi.
"Milliy terma jamoa – orzu, sharaf, or-nomus, g'urur... Endi muxlis sifatida davom etamiz. Olg'a, O'zbekiston!" – deya yozib qoldirgan Eshmurodov o'z sahifasida.
Umar Eshmurodov milliy terma jamoaning Jahon chempionati uchun yakuniy qaydnomasidan joy olgan bo'lsa-da, mundial uchrashuvlarida birorta ham daqiqa maydonda ko'rinish bermadi. Terma jamoa bosh murabbiyi Fabio Kannavaro tajribali himoyachiga yashil maydonda muxlislar bilan munosib tarzda xayrlashish imkoniyatini taqdim etmadi.
"Nasaf" himoyachisi 2020 yil terma jamoa libosini kiygan va shu kunga qadar 39 o'yinda maydonga tushgan.
Teglar: jahon, chempionatiga, borgan, ozbekistonlik, futbolchi, terma, jamoadagi, faoliyatini, yakunladi,
← OldingaOrqaga →
Bosh sahifaga
588
29 Iyun 2026, 08:42