Belsa Urugvayning JCH-2026dagi natijalari haqida: "Biz 7 ochko olishimiz kerak edi. Saudiya Arabistoni va Kabo-Verde..."
/ Kiritdi: BestMaster O'qilgan: 4260
Urugvay terma jamoasi bosh murabbiyi Marselo Belsa jamoa JCH-2026da bundan ham yaxshiroq natijaga erishishi kerak edi deb hisoblaydi.
70 yoshli mutaxassis jamoaning Jahon chempionatidan chiqib ketishi yuzasidan bir soat-u qirq daqiqalik matbuot anjumani o'tkazdi. U anjumanga qo'lida hujjatlar papkasi bilan keldi.
Urugvayliklar guruhdan chiqa olishmadi: Saudiya Arabistoni (1:1) va Kabo-Verde (2:2) bilan durang qayd etib, Ispaniyaga (0:1) imkoniyatni boy berishdi.
Urugvayning natijalari haqida: "Guruh bosqichini nega aynan 7 ochko bilan yakunlashimiz kerak bo'lganini a'lo darajada tushuntirib bera olaman. Saudiya Arabistonini mag'lub etishimiz, Kabo-Verde ustidan g'alaba qozonishimiz va Ispaniya bilan durang o'ynashimizni ko'zda tutmaydigan hech qanday jiddiy, puxta o'ylangan va asosli tahlil mavjud emas".
Jamoada birdamlik yo'qligi haqidagi taxminlar haqida: "Biz Saudiya Arabistonidan 20 foizga, Kabo-Verdedan 30 foizga va Ispaniyadan 25 foizga ko'proq narsani ko'rsatish uchun etarlicha birlashgan edik", – dedi Belsa.
Teglar: belsa, urugvayning, jch-2026dagi, natijalari, haqida, ochko, olishimiz, kerak, saudiya, arabistoni, kabo-verde,
← OldingaOrqaga →



Bosh sahifaga
656
1 Iyul 2026, 12:23