JCH-2026ni tark etgan yana bir murabbiy ishdan ketdi
/ Kiritdi: BestMaster O'qilgan: 2032
Sebastyan Bekkasese Ekvador terma jamoasi bosh murabbiyi lavozimini tark etdi.
Ekvador terma jamoasi bosh murabbiyi Sebastyan Bekkasese JCH-2026 1/16 finalida Meksikaga qarshi kechgan bahsda (0:2) mag'lubiyatga uchrab, musobaqani tark etganidan so'ng iste'foga chiqqanini e'lon qildi.
"Bizning shartnomamiz jahon chempionati yakuni bilan o'z nihoyasiga etdi, biz uchun esa jahon chempionati bugun yakunlandi. Biz o'z oldimizga qo'ygan maqsadimizga - tariximizdagi eng yaxshi jahon chempionatini o'tkazishga erisha olmadik. Ammo biz o'zimizdan keyin meros - juda jipslashgan va oilaga o'xshaydigan jamoani qoldirdik. Hozir sodir bo'lgan voqea... Bu haqiqatan ham ajoyib. Bu odamlar his qilayotgan og'riq va qayg'uni o'chirib tashlamaydi, lekin ishoning, oldimizda kutayotgan voqealar uchun hali ham ko'plab ishtiyoq bor.
Qanday meros qoldirilganini juda yaxshi bilaman. Bazida Allohning rejalari shunday bo'ladi va biz ularni qabul qilishimiz kerak. Bu biz tasavvur qilgan yoki istagan narsa emasdi. Agar g'alaba qozonganimizda, ishni davom ettirgan bo'lardik. Ushbu maqsadga erishish uchun yana bir o'yin kifoya qilardi. Futbol shunday: natijalar muhim. Bugun men ajoyib va go'zal oila bilan xayrlashishim kerak, ammo bor kuchimizni berganimizni bilganim uchun katta minnatdorchilik, xotirjamlik va ichki uyg'unlik bilan ketayapman", - dedi Bekkasese.
Teglar: jch-2026ni, tark, etgan, yana, murabbiy, ishdan, ketdi,
← OldingaOrqaga →
39236393273989428 
Bosh sahifaga
566
1 Iyul 2026, 12:47