Matanovich tan oldi

2026-07-04 05:09:01 / Kiritdi: BestMaster  O'qilgan: 20800

Xorvatiya terma jamoasi hujumchisi Igor Matanovich Yoshko Gvardiolning 90+13-daqiqada urgan, ammo keyinchalik ofsayd sabab bekor qilingan goli haqida fikr bildirdi.

"Rostini aytsam, to'p sochlarimga juda engil tekkanini his qildim. Lekin bu to'liq tegdimi yoki yo'qmi, aniq ishonchim komil emasdi.

Shuning uchun hakamdan bu vaziyat haqida so'radim. U menga to'p ichida maxsus chip borligini, u mening teginishimni qayd etganini aytdi. Shundan keyin ofsayd qarori chiqarildi. Hammasi shu", - dedi Matanovich.

Eslatib o'tamiz, JCH–2026da rasmiy o'yin to'plariga joylashtirilgan sensor-chip texnologiyasi har bir teginishni aniqlaydi. Mazkur texnologiya yarim avtomatik ofsayd tizimi bilan birgalikda ishlab, bahsli vaziyatlarda hakamlarga tez va aniq qaror qabul qilishda yordam beradi.

Teglar: matanovich, oldi,
← OldingaOrqaga →