Paragvay bosh murabbiyi penalti haqida nima dedi?

2026-07-05 17:33:01 / Kiritdi: BestMaster  O'qilgan: 8120

Paragvay terma jamoasi bosh murabbiyi Gustavo Alfaro Fransiyaga qarshi JCH–2026 1/8 finalida (0:1) belgilangan penalti haqida fikr bildirdi.

Uchrashuvning 65-daqiqasida fransiyalik hujumchi Dezire Due jarima maydoni ichida Diego Gomes Amarilya bilan to'qnashuvdan keyin yiqildi. Bosh hakam Ilgiz Tantashev dastlab qoidabuzarlikni qayd etmagan bo'lsa-da, VAR tavsiyasidan so'ng epizodni monitorda ko'rib chiqib, penalti belgiladi.

"VAR epizodi ko'rib chiqilayotganida men ham monitor yaqinida edim. Hakamning orqasida turganim uchun vaziyatga to'liq xolis baho bera olmayman.

Hakamning birinchi taassurotiga ko'ra, Duening o'zi kontakt izlab, o'zini tashlaganday ko'ringan. Keyin esa VAR bu vaziyatni penalti deb baholadi.

Men bu epizodni yana batafsil tahlil qilaman. Ammo Due haqida aytadigan bo'lsam, uning texnikasi juda zo'r. Kichik bo'lgan hududlarda ham harakat qilishni yaxshi biladi va havoda muvozanatni saqlay oladi", - dedi Alfaro.

Eslatib o'tamiz, mazkur penaltidan keyin Kilian Mbappe gol urib, Fransiyaga 1:0 hisobida g'alaba va JCH–2026 chorak finali yo'llanmasini taqdim etdi.

Teglar: paragvay, bosh, murabbiyi, penalti, haqida, nima, dedi?,
← OldingaOrqaga →