"Manchester Yunayted" "Chelsi" futbolchisi uchun kurashga qo'shildi

2026-07-05 19:57:02 / Kiritdi: BestMaster O'qilgan: 2020

"Manchester Yunayted" "Chelsi" yarim himoyachisi Andrey Santosni o'z safiga qo'shib olish imkoniyatini ko'rib chiqmoqda.

"The Guardian" xabariga ko'ra, 22 yoshli braziliyalik futbolchining transfer narxi taxminan 50 million funt sterlingga baholanmoqda.

Aytilishicha, Santos "Chelsi"da Moyses Kaysedo va Enco Fernandes bilan raqobatda asosiy tarkibdan o'rin egallay olmayapti. Shuningdek, londonliklar yangi bosh murabbiy Xabi Alonso rejalashtirayotgan transferlar uchun mablag' yig'ishni ham maqsad qilgan.

Braziliyalik yarim himoyachi muntazam o'yin amaliyotiga ega bo'lish uchun "Stemford Brij"ni tark etishga tayyor. Holatni "Nyukasl" ham diqqatlik bilan kuzatmoqda. "Qora-oqlar" "Tottenxem"ga o'tishi kutilgan Sandro Tonalining o'rnini to'ldirish uchun yangi yarim himoyachi izlamoqda.

Andrey Santos 2023 yilda "Vasko da Gama"dan 18 million funt evaziga "Chelsi"ga o'tgan edi. Keyinchalik u ijara asosida "Nottingem Forest" va "Strasbur" klublarida ham faoliyat olib bordi.

Santos o'tgan mavsumda APLda 27 ta uchrashuv o'tkazib, 1 ta gol muallifi bo'lgan.

Teglar: manchester, yunayted, chelsi, futbolchisi, uchun, kurashga, qoshildi,
← Oldinga Orqaga →