Buxorodagi stadion Superliga stadionlari ro'yxatidan vaqtincha chiqarildi
/ Kiritdi: BestMaster O'qilgan: 1190
3 iyun kuni Liga bu borada rasmiy xabar e'lon qilib, Buxoro futbol akademiyasi chimi bilan bog'liq xavotirlarini ochiqlagan va vaziyatni o'nglash uchun yakuniy dedlayn belgilagandi.
1 iyul sanasiga qadar Buxoro futbol akademiyasi stadioni maysasini Superliga darajasiga qaytarish ishlari yakuniga yetmadi. Liga maydonning ayni vaqtdagi holati haqida ma'lumotlarga ega. Shuningdek, Superliga reglamentida qayd etilgan texnikani sotib olish va uni Buxoro shahriga olib kelishga hozircha ulgurilmagan. O'tgan vaqt davomida Liga mazkur masala yuzasidan istisno tariqasida Buxoro futbol akademiyasi stadionini ro'yxatdan o'tkazgan bo'lsa-da, mazkur ishni yakunlash paysalga solindi. Liga ma'lumotiga ko'ra, Buxoro futbol assotsiatsiyasi talab etilgan texnika uchun pullik to'lovni amalga oshirgan. Biroq texnika yana bir necha kundan keyingina yetib kelishi rejalashtirilgan. Buning oqibatida, maydon sifatini asl holiga qaytarish ishlari juda kech boshlangan.
Shundan kelib chiqib, Superliga 13-turidan o'rin olgan "Buxoro" - "Bunyodkor" uchrashuvi Buxoro shahrida o'tkazilmaydi. Klub mazkur bellashuv o'tadigan stadion masalasini yaqin soatlar ichida hal qilishi talab etiladi.
O'z navbatida, Buxoro futbol akademiyasi stadionini Superliga stadionlari ro'yxatiga qachon qaytishi masalasi bo'yicha mas'uliyatni Liga o'z zimmasiga olmaydi. Biroq maydon holati yaxshilangach, uni qayta monitoring qilish va iloji boricha tezroq rasmiy uchrashuvlarga qaytarish masalasini tezlik bilan hal qilishga tayyor ekanligini ma'lum qiladi.
Izoh. "Buxoro" futbol klubi belgilangan dedlaynga qadar muammoni to'liq bartaraf etmasa, rasmiy uchrashuv "Bunyodkor" maydoniga ko'chirilishi haqida ogohlantirilgandi. Biroq ayni vaqtda "Bunyodkor" stadionining o'zida ayrim muammolar mavjud ekanligidan kelib chiqib, Liga "Buxoro" klubiga neytral maydon masalasini hal qilish imkoniyatini taqdim etdi.
Teglar: buxorodagi, stadion, superliga, stadionlari, royxatidan, vaqtincha, chiqarildi,
← OldingaOrqaga →
Bosh sahifaga
388