Eron futbol federatsiyasi skrinshot orqali AQSH ustidan kuldi
/ Kiritdi: BestMaster O'qilgan: 6742
Eron futbol federatsiyasi AQSH terma jamoasining JCH-2026dan chiqib ketganiga munosabat bildirdi.
Amerikaliklar 1/8 finalda Belgiya tomonidan tor-mor etildi (1:4). Guruh bosqichidan so'ng turnirni tark etgan Eron terma jamoasi esa avvalroq belgiyaliklar bilan durang o'ynagan edi (0:0).
Federatsiya saytida ushbu ikki o'yin natijalari aks etgan skrinshot joylashtirildi va unga shunday izoh berildi: "Siyosatning futboldan uchragan sharmandali mag'lubiyatidan so'ng butun dunyo quvonmoqda".
Eslatib o'tamiz, Eron turnirdan chiqib ketganidan so'ng AQSH milliy xavfsizlik vaziri Markveyn Mallin shunday degan edi: "Eron JCH-2026dan chiqib ketganidan xursandman. Ularning vizalarini bekor qilganimizda baxtiyor edim. Quvonchimdan bir-ikkita qo'shiq aytib, raqsga ham tushdim, shekilli".
Eron terma jamoasi turnir davomida cheklovlarga duch keldi. Jamoa Meksikada istiqomat qildi va AQSHga faqat o'yinlar uchun keldi, uchrashuvlar tugashi bilan eronliklar zudlik bilan yana ortga, o'z bazasiga qaytarib yuborildi.
Teglar: futbol, federatsiyasi, skrinshot, orqali, aqsh, ustidan, kuldi,
← OldingaOrqaga →
39236393273989428 
Bosh sahifaga
199
7 Iyul 2026, 16:42