Martines Ispaniya bilan o'yinda nima uchun Ramushni maydonga tushirmaganini tushuntirdi
/ Kiritdi: BestMaster O'qilgan: 4580
Portugaliya terma jamoasi bosh murabbiyi Roberto Martines Ispaniyaga qarshi bahsda nima sababdan Krishtianu Ronalduni almashtirmaganiga izoh berdi.
Portugaliya Ispaniyaga 0:1 hisobida imkoniyatni boy berib, JCH-2026ning 1/8 final bosqichida musobaqani tark etdi.
Krishtianu Ronaldu o'rniga Gonsalu Ramushni maydonga tushirmaganingiz uchun tanqidlar bo'lishi tabiiy.
"Bu juda yuzaki tahlil. Jismoniy tomonlama Krishtianu 90 daqiqa davomida to'liq o'ynashga mutlaqo qodir edi. U bo'sh hududlar yaratadi, moslashadi. Bunday futbolchi juda muhim. Ehtimol, Gonsalu Ramush qo'shimcha vaqtlarda foydali bo'lishi mumkin edi, ammo bu o'yindagi strategiyamiz boshqacha edi. Biz Ispaniyaning hujumlarini tiyib turishimiz kerak edi va hujumchilarni almashtirishdan mantiq yo'q edi.
Rafael Leau Xorvatiya bilan o'yinda eng yaxshi futbolchimiz bo'lgandi, u oxirgi marta ancha oldin 90 daqiqa o'ynagandi, shu sababli uni asrash kerak edi. Buning tanqidlarga aloqasi yo'q. Men samaradorlikdan umuman xafa emasman. Biz finalgacha borishni istagandik va men bu jamoa bilan juda faxrlanaman. Biz favoritlardan biriga qarshi o'ynadik va gohida ularga muammolar tug'dira oldik, biroq gol ura olmay, tavakkal qildik. Biz Fransiya, Ispaniya, Germaniya bilan o'ynadik, Millatlar Ligasida g'olib chiqdik. Men qaerga qarab ketayotganimizga faxr bilan qarayman. Bu safar natija biz kutgandek bo'lmadi, lekin bunday turnirlarda shunaqasi ham bo'lib turadi", - dedi Martines.
Teglar: martines, ispaniya, bilan, oyinda, nima, uchun, ramushni, maydonga, tushirmaganini, tushuntirdi,
← OldingaOrqaga →
Bosh sahifaga
428
8 Iyul 2026, 03:42