Sobiq hakam Misrning goli bekor qilingani haqida: "Sekinlashtirilgan tasvirda qoidabuzarlikni belgilash – nomutanosib holat"

2026-07-08 00:51:01 / Kiritdi: BestMaster  O'qilgan: 2890

Ispaniyalik sobiq hakam Alfonso Peres Burrul JCH-2026 1/8 finalida Misr va Argentina terma jamoalari o'rtasidagi o'yinda (2:3) misrliklarning goli bekor qilinganini izohladi.

58-daqiqada misrlik hujumchi Mostafa Ziko raqib darvozasini ishg'ol qildi va libosini echib nishonladi. Biroq bosh hakam Fransua Letekse videoassistentlar maslahati bilan epizodni ko'rib chiqib, golni bekor qildi – bundan avvalroq Marvan Attia Lisandro Martinesning oyog'ini bosib olgan edi. (Keyinchalik, 67-daqiqada Ziko yana gol urdi va hisob 2:0 ko'rinishiga keldi).

"Bu vaziyat golga jiddiy ta’sir ko'rsatmadi. O'yinchi butun maydonni kesib o'tgan holatda, videoni bu qadar orqaga qaytarish va sekinlashtirilgan tasvirda oyoq bosish sababli qoidabuzarlikni qayd etish – bu nomutanosib qaror.

Bu ochiq-oydin yoki yaqqol ko'rinib turgan xato emas. Agar hakam bu epizodda qoidabuzarlikni o'sha zahoti qayd etganida, bu fol bo'lardi, ammo hakam o'yinni to'xtatmagan bo'lsa, o'sha epizodga qaytishning hojati yo'q", – dedi Burrul.

Teglar: sobiq, hakam, misrning, goli, bekor, qilingani, haqida, sekinlashtirilgan, tasvirda, qoidabuzarlikni, belgilash, nomutanosib, holat,
← OldingaOrqaga →