Dalich 9 yildan so'ng Xorvatiya terma jamoasini tark etdi

2026-07-08 17:57:02 / Kiritdi: BestMaster  O'qilgan: 5866

Zlatko Dalich Xorvatiya terma jamoasi bosh murabbiyi lavozimini tark etdi.

Xorvatiya terma jamoasi JCH-2026 turniridan Portugaliyaga qarshi kechgan 1/16 final uchrashuvidagi mag'lubiyatdan (1:2) so'ng chiqib ketdi.

Dalich milliy terma jamoani 2017-yildan beri boshqarib kelayotgan edi. Uning qo'l ostida xorvatlar 2018-yilgi jahon chempionatida kumush, 2022-yilgi jahon chempionatida esa bronza medalini qo'lga kiritishdi. Bundan tashqari, mutaxassis jamoani 2023-yilgi Millatlar ligasida kumush medallarga olib chiqdi va uning 2020 va 2024-yilgi Yevropa chempionatlari hamda 2026-yilgi jahon birinchiligida ishtirok etishini taminladi.

Xorvatiya futbol ittifoqi (HNS) xabar berishicha, tashkilot qarorgohida bo'lib o'tgan uchrashuvda Dalich prezident Maryan Kustichga 2026-yilgi jahon chempionatidan so'ng terma jamoa boshqaruvidagi ishini yakunlayotganini ma'lum qilgan.

HNS bayonotida qayd etilishicha, Dalich Xorvatiya tarixidagi eng muvaffaqiyatli murabbiy va jamoa bilan ishlash davomiyligi bo'yicha rekordchi sifatida lavozimini tark etmoqda.

Teglar: dalich, yildan, song, xorvatiya, terma, jamoasini, tark, etdi,
← OldingaOrqaga →