Azar: “Yamal qaysidir manoda faoliyatimning boshlanishini eslatyapti”

2026-07-10 20:12:01 / Kiritdi: BestMaster  O'qilgan: 1708

Belgiya terma jamoasi sobiq yarim himoyachisi Eden Azar “Barselona” hamda Ispaniya termasi vingeri Lamin Yamal va o'zining yoshlik yillari o'rtasidagi o'xshashlik haqida gapirdi.

“Lamin Yamal qaysidir manoda menga faoliyatimning boshlang'ich davrini eslatmoqda. O'shanda men ham taxminan shu yoshda edim va hamma mendan katta natijalar kutardi.

Agar u maydonda o'ziga xos bo'lgan uslubda o'yindan zavq olishda davom etsa, ushbu Jahon chempionatini ajoyib tarzda o'tkazishiga ishonchim komil.

U odamlar tomosha qilishni yaxshi ko'radigan futbolchilar sirasiga kiradi. Futbolning asl manosi ham shunda: o'yindan zavqlanish va odamlarni orzu qilishga majbur etish”, – dedi Azar.

Eslatib o'tamiz, JCH-2026 chorak finalidan o'rin olgan Ispaniya – Belgiya uchrashuvi bugun, 10 iyul kuni bo'lib o'tadi.

Teglar: “yamal, qaysidir, manoda, faoliyatimning, boshlanishini, eslatyapti”,
← OldingaOrqaga →