Pajishek sobiq jamoasiga qaytdi
/ Kiritdi: BestMaster O'qilgan: 5568
Qishki transfer oynasida Pyotr Pajishek Toshkentning "Paxtakor" klubiga to'liq ko'chib o'tish maqsadida "KuPS" safini tark etgan edi.
Biroq "Pogon" va "Pyast" klublarining sobiq futbolchisi O'zbekiston jamoasida uzoq vaqt ushlanib qolmadi – bir necha oydan so'ng tomonlar o'rtasidagi hamkorlik muddatidan oldin yakuniga etdi.
Bor-yo'g'i 13 ta o'yinda maydonga tushib, ikkita gol urgan Pajishekning "Paxtakor" bilan shartnomasi o'zaro kelishuvga ko'ra bekor qilindi. Natijada polshalik futbolchi erkin agent maqomida transfer bozoriga chiqdi.
Pajishekning kelajagiga tezda oydinlik kiritildi. Ma'lum bo'lishicha, 32 yoshli futbolchi o'ziga yaxshi tanish bo'lgan Finlyandiyaga qaytishga qaror qildi va yana "KuPS" bilan shartnoma imzoladi. Tomonlar 2027 yilning 30 iyuniga qadar amal qiladigan bitimga imzo chekishdi.
"O'zimni juda yaxshi his qilyapman. Qaytganimdan benihoya xursandman. O'zbekistondagi shartnomamni bekor qilganimda, 'KuPS'ga qaytishim men uchun aniq edi. Voqealar juda tez rivojlandi va bu men uchun eng mantiqiy echim bo'ldi", – deya fikr bildirdi polshalik o'yinchi.
"Menda boshqa variantlar ham bor edi, Finlyandiyaning boshqa bir klubi ham qiziqish bildirdi. Ammo 'KuPS' eng mantiqiy tanlov edi va men qaror qabul qilishni kechiktirishni xohlamadim. Kubok finalidagi omadsizlikni hisobga olmaganda, oldingi davrdan faqat ijobiy xotiralar qolgan. Klubdagi va muxlislar orasidagi muhit shunchaki fantastik edi", – deya qo'shimcha qildi u.
Pajishek o'tgan mavsumning birinchi yarmida Finlyandiya yuqori divizioni vakili safida 24 ta o'yinda maydonga tushib, 11 ta gol va 2 ta golli uzatmaga mualliflik qilgan edi.
Kuopioliklar keyingi Chempionlar Ligasi saralash bosqichida ishtirok etishadi. Birinchi bosqichda ularni Shimoliy Makedoniyaning "Vardar Skope" jamoasiga qarshi ikkita o'yin kutib turibdi.
Teglar: pajishek, sobiq, jamoasiga, qaytdi,
← OldingaOrqaga →
Bosh sahifaga
314