Manuel Akanji: "Argentina futbolchilarining simulyaciyalari jazolanmadi"
/ Kiritdi: BestMaster O'qilgan: 348
Shveytsariya terma jamoasi himoyachisi Manuel Akanji JCH–2026 chorak finalida Argentinaga qarshi bahsdan (1:3, qo'shimcha bo'limlarda) keyin hakamlikdan noroziligini bildirdi.
Uchrashuvning 72-daqiqasida bosh hakam Joau Pedru Pineyru VAR yordamida vaziyatni ko'rib chiqib, shveytsariyalik hujumchi Bril Embologa simulyaciya uchun ikkinchi sariq kartochka ko'rsatdi va uni maydondan chetlatdi.
"O'yin tugagach, eng avvalo jamoamiz bilan faxrlandim. Argentina ochiq o'yinda deyarli xavfli vaziyat yarata olmadi. Afsuski, Xulian Alvaresning goli bahs taqdirini hal qildi.
Men odatda hakamlar haqida gapirishni yoqtirmayman, ammo bugun barcha qarorlar ularning foydasiga chiqdi. Faoliyatim davomida bunchalik bir tomonlama hakamlikni ko'rmaganman.
Argentina futbolchilarining birorta simulyaciyasi ham jazolanmadi. Ular asosiy vaqt davomida hatto bitta ham sariq kartochka olishmadi. Ammo Bril bilan bo'lgan epizodda darhol kartochka ko'rsatildi.
Shunga qaramay, biz o'n kishi bo'lib ham qo'limizdan kelgan barcha ishni qildik. Albatta, Bril jamoamiz uchun juda muhim futbolchi va biz uni qo'llab-quvvatlaymiz", - dedi Akanji.
Eslatib o'tamiz, Shveytsariya uchrashuvning katta qismini bir kishi kam bo'lib o'tkazganiga qaramay, Argentinaga munosib qarshilik ko'rsatdi. Biroq qo'shimcha bo'limlarda argentinaliklar g'alabani taminlab, JCH–2026 yarim finaliga yo'l oldi.
Teglar: manuel, akanji, argentina, futbolchilarining, simulyaciyalari, jazolanmadi,
← OldingaOrqaga →
Bosh sahifaga
520
13 Iyul 2026, 00:41