Karpukas: "Spercyanning maqsadi Osiyo Chempionlar ligasini yutish emas"

2026-07-12 19:30:01 / Kiritdi: BestMaster O'qilgan: 2288

Moskvaning "Lokomotiv" jamoasi yarim himoyachisi Artyom Karpukas "Krasnodar" futbolchisi Eduard Spercyanning Saudiya Arabistonining "Al Ahli" klubiga ko'chib o'tgani haqida o'z fikrini bildirdi.

"Spercyanning transferiga nisbatan qanday savol bo'lishi mumkin? Men uni yaxshi tushunaman. Eduardning asosiy motivaciyasi, albatta, Osiyo Chempionlar ligasini yutish orzusi emas, ko'proq pul ishlab olish.

Agar men uning o'rnida bo'lganimda, "Al Ahli"ga bemalol o'tardim. Agar shu bilan bir vaqtda Yevropadan ham taklif bo'lganida, o'ylab ko'rar edim. Barchasi qaysi klub taklif berganiga bog'liq bo'lardi", - dedi Karpukas.

Avvalroq Eduard Spercyan "Krasnodar"dan "Al Ahli"ga 25 million evro evaziga o'tgani xabar qilingan edi.

26 yoshli armanistonlik yarim himoyachi o'tgan mavsum "Krasnodar" safida barcha musobaqalarda 42 ta uchrashuv o'tkazib, 14 ta gol va 18 ta golli uzatma muallifi bo'lgan. Unga Yevropa klublari, jumladan, Niderlandiyaning "Ayaks" klubi ham jiddiy qiziqish bildirgan edi.

Teglar: karpukas, spercyanning, maqsadi, osiyo, chempionlar, ligasini, yutish, emas,
← Oldinga Orqaga →