Eshitdik-da: O'zbekiston MTJ Xitoydagi turnirda ishtirok etadi

2026-07-12 20:03:01 / Kiritdi: BestMaster  O'qilgan: 4314

21 sentyabrdan 6 oktyabrgacha davom etadigan navbatdagi FIFA kunlari doirasida Xitoy yirik xalqaro turnirga mezbonlik qilishi kutilmoqda.

Bizga ma'lum bo'lishicha, mazkur musobaqada ishtirok etish uchun O'zbekiston milliy terma jamoasi ham taklif olgan.

Dastlabki ma'lumotlarga ko'ra, turnirda mezbon Xitoydan tashqari Jahon chempionati–2026 ishtirokchilari bo'lgan Afrika, Janubiy Amerika va Shimoliy Amerika terma jamoalari qatnashishi mumkin.

Yevropa terma jamoalari esa ushbu davrda UEFA Millatlar ligasi bahslarida ishtirok etadigani sababli, musobaqada qatnashmaydi.

Agar ushbu ma'lumot rasman tasdiqlansa, ushbu turnir O'zbekiston milliy terma jamoasi uchun Jahon chempionatidan keyin va Osiyo Kubogidan oldin yaxshi tayyorgarlik vazifasini o'taydi.

Teglar: eshitdik-da, ozbekiston, xitoydagi, turnirda, ishtirok, etadi,
← OldingaOrqaga →