Adeyemi "Borussiya" ixtiyorini tark etdi
/ Kiritdi: BestMaster O'qilgan: 4264
"Borussiya" D yarim himoyachi Karim Adeyemiga boshqa klub bilan muzokara o'tkazishi uchun jamoa yig'inini vaqtincha tark etishga ruxsat berganini rasman ma'lum qildi.
Klub bayonotida aytilishicha, Adeyemi hamda o'tgan mavsumni "Boxum"da ijarada o'tkazgan 20 yoshli yarim himoyachi Kell-Arik Veten bugungi jismoniy tayyorgarlik sinovlarida ishtirok etmaydi.
"Karim Adeyemi va Kell-Arik Vetenga boshqa klublar bilan muzokara olib borish uchun jamoa yig'inini vaqtincha tark etishga ruxsat berildi", - deyiladi "Borussiya" rasmiy bayonotida.
Avvalroq Ispaniya matbuoti "Barselona" Adeyemi transferi bo'yicha "Borussiya" bilan kelishuvga erishganini xabar qilgan edi. Ma'lumotlarga ko'ra, kataloniyaliklar 23 yoshli futbolchi uchun 22 million evro va qo'shimcha 9 million evro bonus to'lashga tayyor.
Adeyemi o'tgan mavsum Bundesligada 26 ta uchrashuv o'tkazib, 7 ta gol va 4 ta golli uzatma qayd etdi.
Teglar: adeyemi, borussiya, ixtiyorini, tark, etdi,
← OldingaOrqaga →
Bosh sahifaga
292
13 Iyul 2026, 00:47