"Chelsi" darvozabon masalasidagi asosiy maqsadini belgiladi

2026-07-12 23:18:01 / Kiritdi: BestMaster  O'qilgan: 5386

Londonning "Chelsi" klubi "Portu" darvozaboni Diogu Koshtani yozgi transferlar oynasidagi asosiy maqsadlaridan biri sifatida belgiladi. Bu haqda jurnalist Ekrem Konur xabar bermoqda.

Manbaga ko'ra, "ko'klar" 26 yoshli portugaliyalik posbonning shartnomasida ko'rsatilgan 60 million evrolik tovon pulini to'lashga tayyor. Klub transferni yakunlash uchun rasmiy harakatlarni boshlab yuborgan.

Shuningdek, xabarda aytilishicha, "Chelsi" Diogu Koshta uchun kurashda PSJdan ham o'zib ketgan. Parij klubi ham darvozabonga qiziqish bildirgan bo'lsa-da, ayni paytda londonliklar muzokaralarda ustunlikka ega.

Diogu Koshta "Portu" akademiyasi tarbiyalanuvchisi bo'lib, 2019 yildan buyon asosiy jamoa safida to'p surib kelmoqda. O'tgan mavsumda u barcha musobaqalarda 49 ta uchrashuv o'tkazib, 25 ta gol o'tkazib yubordi va 24 ta o'yinda o'z darvozasi daxlsizligini saqlab qoldi.

U Portugaliya terma jamoasining asosiy darvozaboni hisoblanadi.

Teglar: chelsi, darvozabon, masalasidagi, asosiy, maqsadini, belgiladi,
← OldingaOrqaga →