Merson: "Angliya Argentinani mag'lub eta oladi. Bunga shubha qilmayman"
/ Kiritdi: BestMaster O'qilgan: 5504
Angliya terma jamoasi sobiq futbolchisi Pol Merson "uch sherlar"ning JCH–2026da chempion bo'lish imkoniyatini yuqori baholadi.
Norvegiya ustidan 2:1 hisobidagi g'alabadan keyin Angliya yarim finalga yo'l oldi va endi Argentinaga qarshi bahs olib boradi.
"Jahon chempionligini qo'lga kiritgan har qanday jamoaga omad ham kulib boqqan bo'ladi. Hech bir chempion "bizga omad kerak bo'lmadi" deb ayta olmaydi.
Bizga ham ayrim vaziyatlarda omad biz tomonda bo'ldi va bu bizga Argentinaga qarshi yarim finalga chiqish imkonini berdi.
1998 yil Fransiyada ularga penaltilar seriyasida yutqazganimizni yaxshi eslayman. O'shanda argentinalik futbolchilarning xatti-harakati haligacha yodimda. Shuning uchun bu o'yinda ham alohida ruhiy fon bo'ladi.
Men Argentinaga qarshi o'yindan qo'rqmayapman. Menimcha, biz ularni mag'lub eta olamiz. Ammo hozirgi o'yinimiz bilan Ispaniya yoki Fransiyani engish qiyin bo'ladi.
Angliyada Jahon chempionligini qo'lga kiritishga qodir futbolchilar bor. Lekin buning uchun jamoa ancha yaxshiroq o'ynashi kerak. Oddiy vaziyatlarda ham xatolarga yo'l qo'ymaslik lozim.
Rostini aytsam, Angliyaning Jahon chempioni bo'lishini ko'raman deb o'ylamagan edim. Ammo hozir biz bu orzuga har qachongidan ham yaqinmiz", - dedi Merson.
Eslatib o'tamiz, Angliya JCH–2026 yarim finalida Argentinaga qarshi maydonga tushadi. G'olib jamoa finalda Ispaniya yoki Fransiya bilan to'qnash keladi.
Teglar: merson, angliya, argentinani, maglub, oladi, bunga, shubha, qilmayman,
← OldingaOrqaga →
Bosh sahifaga
260
13 Iyul 2026, 00:50