Ochig'ini etaman, 2013 yilda Babayan meni Xitoyga transfer qilishni maqsad qilgandi. Biroq men u erga borishni istamaganman. Bu birinchi sababi bo'lishi mumkin. Keyin u meni «Paxtakor»ga chaqirgan. U erga ham bormaganman. Chunki men agar O'zbekistonda kelsam, «Lokomotiv»ga borishga vada berib qo'ygandim. Shundan so'ng Babayan terma jamoaga bosh murabbiy bo'lganidan keyin men bosh jamoamizda o'ynamasligimni bilgandim.
O'zbekiston terma jamoasining manfaati bir bo'lgani uchun har qanday munosabatlar chetga suriladi deb umid qilgandim. Biroq Xitoyga bormaganim, «Paxtakor»ni emas «Lokomotiv»ni tanlaganim terma jamoadagi faoliyatimga tasir qilmaydi deb o'ylagandim. Ammo bunday bo'lmadi.
O'sha vaqtlarda Babayan bilan hech qanday muammoim yo'q edi. Shunchaki, men o'zimni yo'limni tanlagandim. Men «Lokomotiv»ga vada bergandim. Kimdir menga bu jamoadan 10 baravar ko'p pul bergan taqdirda ham men qarorimda qolardim.
Shundan so'ng Babayan 3 yildan so'ng terma jamoaga murabbiy bo'ldi. Shunda men uchun terma jamoa eshigi «yopilganini» tushungandim. Balki uning taktikasiga tushmagandirman, balki shu Xitoy yoki «Paxtakor» masalasidagi muammolar sabab bo'lgandir. O'sha vaqtda hech kim menga nima uchun terma jamoadagi faoliyatim yakunlanishi haqida tushuntirish berilmagan.

Bosh sahifaga
592