Rasman: OKMK xorvatiyalik futbolchi bilan shartnoma tuzdi

2026-07-16 17:00:01 / Kiritdi: BestMaster  O'qilgan: 1896

Yozgi transfer oynasi doirasida OKMK futbol klubi yangi legioner bilan shartnoma imzoladi.

O'tgan mavsumni Ruminiyada o'tkazgan xorvatiyalik futbolchi Ivan Peshich faoliyatini endilikda OKMK safida davom ettiradi.

Ivan Peshich professional faoliyati davomida Yevropaning bir qator klublari safida to'p tepgan. U Xorvatiyaning U-19 terma jamoasi safida harakat qilgan bo'lib, Ruminiyaning Dinamo (Buxarest) va Kindiya (Tirgovishte), Ukrainaning Vorskla (Poltava) hamda Belarusning Dinamo (Minsk) klublari sharafini himoya qilgan.

Shuningdek, futbolchi Qozog'istonning Shaxtyor (Karaganda), Kaspiy (Aktau) va Qaysar jamoalari safida ham muvaffaqiyatli to'p tepgan.

Klub va 1992 yilda tug'ilgan xorvatiyalik futbolchi Ivan Peshich o'rtasida joriy mavsum yakuniga qadar amal qiladigan mehnat shartnomasi imzolandi.

Teglar: rasman, okmk, xorvatiyalik, futbolchi, bilan, shartnoma, tuzdi,
← OldingaOrqaga →