Aleksandr Xomyakov: "90 daqiqa himoyalanish oson emas"

2026-07-16 23:30:01 / Kiritdi: BestMaster  O'qilgan: 776

Superliga 12-turidan o'rin olgan "Neftchi" – "Buxoro" (2:1) uchrashuvidan keyingi matbuot anjumanida buxoroliklar bosh murabbiyi Aleksandr Xomyakov matbuot anjumanida ishtirok etdi.

- O'yin haqida fikringiz?

- Avvalo barchani mavsumning ikkinchi yarmi start olgani bilan tabriklayman. O'ylaymanki, hammamiz o'zimizning futbolni sog'inib qolgandik. O'yin haqida to'xtaladigan bo'lsam, amaldagi chempionga qarshi kurash olib bordik va jiddiy qarshilik ko'rsatishga harakat qildik.

Hammasi yaxshi ketayotgandi, biroq bahs oxirlarida gol o'tkazib mag'lubiyatga uchradik. E'tiborni himoyaga qaratdik va bu tushunarli edi. Lekin futbolda 90 daqiqa himoyalanish oson emas. Bugun biz shundan aziyat chekdik. Aytib o'tganimdek, chempionga qarshi bahs olib bordik, omadimiz kelmadi. Yana nimayam deyman, "Neftchi"ni g'alaba bilan tabriklayman. Biz endi keyingi o'yinga tayyorgarlik ko'ramiz.

Teglar: aleksandr, xomyakov, daqiqa, himoyalanish, oson, emas,
← OldingaOrqaga →