Islom Ismoilov: "Jokichni hujumga qo'yganimiz g'alaba qozonishimizga sabab bo'ldi"
/ Kiritdi: BestMaster O'qilgan: 810
Superliga 12-turidan o'rin olgan "Neftchi" – "Buxoro" (2:1) uchrashuvidan keyingi matbuot anjumanida farg'onaliklar bosh murabbiyi Islom Ismoilov matbuot anjumanida ishtirok etdi.
- O'yin haqida fikringiz?
- Birinchi navbatda muxlislarimizni qo'lga kiritilgan qiyin g'alaba bilan tabriklayman. Ajoyib o'yin ko'rsatdik deb o'ylayman, buning uchun futbolchilarga rahmat aytaman. O'z o'yinimizni namoyish etganimiz bois yakunda g'alaba qozondik. Bahs to'liq nazoratimiz ostida kechdi.
Uzoq tanaffusdan so'ng maydonga qaytish qiyin kechdi va buni tabiiy hol deb hisoblayman. Yurib turgan poezd qo'zg'alib olishi uchun ko'p kuch talab qiladi. Jamoamiz ritmga tushib olishi uchun biroq vaqt kerak. Deyarli ikki yarim oy mobaynida yetakchi futbolchilarsiz mashg'ulot o'tkazdik, buning ham ta’siri bilindi. Umuman har bir holat o'yin sifatiga ta’sir qiladi.
Bugun har ikkala taymda sifatli futbol namoyish etishga harakat qildik. Balki bugun mavsumdagi eng qiyin bahsni o'tkazgan bo'lishimiz ham mumkin, chunki uzoq tanaffusdan keyin qaytish baribir oson kechmaydi. Uchinchi zonada himoyani yorib o'tishga butun dunyo jamoalari qiynalyapti. Ko'pchilik yaxshi himoyalanishga o'tib oldi. Shunday bo'ldiki, Ikrom Aliboevni markaziy himoyaga o'tkazib, Yovan Jokichni hujumga qo'yganimizdan so'ng ikkinchi golni kiritishga erishdik.
Teglar: islom, ismoilov, jokichni, hujumga, qoyganimiz, galaba, qozonishimizga, sabab, boldi,
← OldingaOrqaga →
Bosh sahifaga
196