Islom Ismoilov: "Hali o'zimizning ideal o'yinimizni ko'rsatganimiz yo'q"
/ Kiritdi: BestMaster O'qilgan: 1660
Superliga 13-turidan o'rin olgan "So'g'diyona" – "Neftchi" (1:5) uchrashuvidan keyin "Neftchi" bosh murabbiyi Islom Ismoilov matbuot anjumanida ishtirok etdi.
- O'yin haqida fikringiz?- Avvalo chiroyli g'alaba bilan barcha muxlislarimizni tabriklayman. Ushbu g'alabani uzoq yo'l bosib kelgan ishqibozlarga bag'ishlayman. Qolaversa futbolchilarimizga ham alohida rahmat, bugun oxirigacha kurashib chiroyli g'alabani qo'lga kiritdik. Uchrashuv tezkor gol bilan boshlandi, shunga qaramay vaziyatdan chiqib keta oldik. Bahs davomida o'yinni to'liq nazorat qildik deb o'ylayman.- Avvalo o'tgan tug'ilgan kuningiz bilan tabriklayman. Savolim avvalgi turdagi o'yin bo'yicha. O'tgan tur "Buxoro" bilan kechgan bahsdagi hakamlikni qanday baholaysiz?- To'g'risi, bu savolga javob bermoqchi emasman. Negaki bu borada o'z fikrimni aytib bo'ldim va boshqa to'xtalishni xohlamayman. Hakamlar qo'mitasi ham o'yinni ko'rib chiqib o'z munosabatini bildirdi. Biz esa ishlashda davom etishimiz kerak.- Bugungi o'yindagi rotaciyalar o'zini oqladi. Shu haqda to'xtalib o'tsangiz.- E'tibor berayotgan bo'lsangiz, har o'yinda rotaciyaga qo'l uryapmiz, chunki tarkibdagi har bir futbolchiga imkoniyat berishni istaymiz. Shu orqali o'yin sifatini ham oshirib borishga harakat qilganmiz. Kamchiliklarimiz juda ko'p, hali o'zimizning ideal o'yinimizni ko'rsata olganimiz yo'q. Mavsum uzoq, ishlashda davom etamiz. Bo'shashishga umuman haqqimiz yo'q.- Farrux Sayfievning jarohati haqida.- U son qismidan jarohat olgan. Shuningdek, Abror Ismoilovning qovurg'asi singan. Bu ikki futbolchi biz uchun katta yo'qotish, umid qilamizki, tez orada sog'ayib yana safga qaytishadi.
Teglar: islom, ismoilov, hali, ozimizning, ideal, oyinimizni, korsatganimiz,
← OldingaOrqaga →
Bosh sahifaga
188