Fil Foden "Manchester Siti" bilan shartnomasini 2030 yilgacha uzaytirdi

2026-07-22 17:54:02 / Kiritdi: BestMaster  O'qilgan: 3074

Angliyaning "Manchester Siti" yarim himoyachisi Fil Foden klub safida 2030 yilgacha to'p surish imkonini beruvchi yangi to'rt yillik shartnomani imzoladi.

Bu haqda "Manchester Siti" rasmiy sayti xabar berdi.

"Hayoti davomida "Siti"ga muxlislik qilib kelgan 26 yoshli futbolchi 9 yoshida akademiyada boshlangan klub bilan bog'liqligini davom ettiradi. 2017 yilda Pep Gvardiola boshchiligidagi asosiy jamoadagi debyutidan beri u klub tarixidagi eng sovrindor o'yinchilardan biriga aylandi. U "Siti" bilan jami 20 ta yirik sovrinni qo'lga kiritdi: oltita Premer-liga tituli, beshta Liga kubogi, uchta Angliya kubogi, uchta Angliya Superkubogi, shuningdek, Chempionlar ligasi, UEFA Superkubogi va FIFA klublar o'rtasidagi jahon chempionati.

Tug'ma hujumkor istedodga ega Foden, shuningdek, PFA talqini bo'yicha yilning eng yaxshi o'yinchisi (2023/2024), FWA (Futbol jurnalistlari assotsiatsiyasi) talqini bo'yicha yil futbolchisi va Premer-liga mavsum o'yinchisi kabi individual sovrinlar bilan ham e'tiborni tortdi.

2026 yil may oyida u "Siti" safida Premer-ligada 100 ta samarali harakatni amalga oshirgan atigi oltinchi o'yinchiga va klubning 132 yillik tarixida uning uchun 100 ta gol urgan bor-yo'g'i 20 kishidan biriga aylandi", - deyiladi xabarda.

Teglar: foden, manchester, siti, bilan, shartnomasini, 2030, yilgacha, uzaytirdi,
← OldingaOrqaga →