Championat.asia sayti talqiniga ko'ra 5-turning eng yaxshi darvozaboni – Azizxon Isaqov ("Qo'qon-1912")
Superligaga qaytgan "Qo'qon-1912" 5-turni o'z maydonida "Buxoro"ga qarshi o'tkazdi va 1:0 hisobida g'alabaga erishdi. O'yin davomida qo'qonliklar posboni Azizxon Isaqov 5 marta jamoasini gollardan qutqarib qoldi. Ayniqsa oxirgi soniyalarda raqibning ketma-ket ikkita zarbasini bartaraf etib jamoasining mavsumdagi ilk g'alabasiga katta hissa qo'shdi. Shu tariqa, Isaqov 5-turning eng yaxshi posboni sifatida etirof etildi.
Championat.asia sayti talqiniga ko'ra 5-turning eng yaxshi murabbiyi – Aleksandr Xomyakov ("Andijon")
"Andijon" 5-turda Toshkentda 15 karra mamlakat chempioni "Paxtakor" klubiga qarshi o'ynadi va g'alabaga erishdi - 3:2. Andijon klubi o'z tarixida hech qachon Toshkentda bu raqibni mag'lub eta olmagandi. O'z shogirdlari bilan tarixiy g'alabani qo'lga kiritgan Aleksandr Xomyakov turning eng yaxshi murabbiyi deb topildi.
Championat.asia sayti talqiniga ko'ra 5-turning eng yaxshi futbolchisi – Altin Kreziu ("Andijon")
"Andijon"ning sloveniyalik yarim himoyachisi Altin Kreziu 5-turda "Paxtakor"ga qarshi bahsda ajoyib o'yin namoyish etdi. Tanyach yarim himoyasida raqiblarga deyarli imkon bermagan Altin ikkita golli uzatmani ham amalga oshirdi. Shu bois, Altin Kreziu 5-turning eng yaxshi futbolchisi deb topildi.
Championat.asia sayti talqiniga ko'ra 5-turning eng chiroyli goli muallifi – Jamshid Iskanderov ("Neftchi")
Aslida bu tur chiroyli gollarga boy bo'ldi desak mubolag'a bo'lmaydi. "Qo'qon-1912" vakili Iqboljon Malikjonov, "Dinamo" legioneri Ratino tomonidan urilgan gollar ham eng chiroyli bo'lishga loyiq edi. Ammo bittasini tanlash kerakligi bois ular laureat bo'la olishmadi. "Neftchi" yarim himoyachisi Jamshid Iskanderov 5-turda "Mashal"ga qarshi bahsda chiroyli gol muallifiga aylandi. Futbolchi burchak to'pini to'g'ri darvozaga joylab qo'ydi. Zarba traektoriyasini raqib posboni tushunmay ham qoldi. Jamshid Iskanderov tomonidan urilgan gol championat.asia sayti talqiniga ko'ra turning eng chiroyli goli deb topildi.
"Bunyodkor" ustozi va legioneri, "Xorazm" posboni — Superligada 1-turning eng yaxshilari
Bosh sahifaga
64
15 Aprel 2025, 15:13