“Barselona” yetakchisi bir necha oyga safdan chiqdi: nimalar ma'lum?

2026-07-24 12:36:01 / Kiritdi: BestMaster  O'qilgan: 6252

Kataloniya jamoasi yarim himoyachisi Frenki de Yong yangi mavsumga tayyorgarlik vaqtida jarohat oldi.

Tibbiy tekshiruv 29 yoshli niderlandiyalik futbolchining o'ng tizzasidagi ichki yon boylamlari uzilganini aniqladi. Klubda jarrohlik amaliyotidan voz kechishga qaror qilindi - futbolchi shifokorlarning doimiy nazorati ostida konservativ davolanish kursini o'taydi. Yaqin haftalarda uning ahvoli muntazam baholab boriladi, shundan so'ng keyingi tiklanish rejasi aniq bo'ladi.

Ispaniya OAV xabariga ko'ra, De Yongning tiklanishi 4 oyga yaqin vaqtni olishi mumkin, ammo “Barselona” hozircha yarim himoyachining maydonga qaytishi bo'yicha hatto taxminiy muddatlarni ham ochiqlamayapti.

Niderlandiyalik futbolchi o'tgan mavsum barcha turnirlarda 38 o'yinda maydonga tushib, 1 ta gol va 8 ta golli uzatmaga mualliflik qildi. Yozda u, shuningdek, Niderlandiya terma jamoasining 2026 yilgi Jahon chempionatidagi barcha 4 ta o'yinida qatnashdi, La Liganing 2025/26 yilgi mavsumida esa o'z hisobiga 1 ta gol va 5 ta assist yozib qo'ygan edi.

Teglar: “barselona”, yetakchisi, necha, oyga, safdan, chiqdi, nimalar, malum?,
← OldingaOrqaga →