Shomurodov "Roma"ga "Monca"ni mag'lub etishda yordam bermoqda
O'yin boshidayoq "bo'rilar" golga yaqin edi, Shomurodovning uzatmasidan keyin Pisilya noaniq zarba yo'lladi. Raneri shogirdlari hujum uyushtirishda davom etdi va ko'p o'tmay hisobni ochdi. Shomurodovning uzatmasidan so'ng Salemakers aylanma zarba bilan jarima maydoni tashqarisidan to'pni darvozaga joylab qo'ydi. Shundan so'ng o'yin xarakteri o'zgarmadi, "jalorossilar" raqibni bosim ostida qoldirishdi va kutilganidek yana gol urishdi. Saulening uzatmasidan so'ng Shomurodov boshi bilan to'pni darvozaga joylab qo'ydi va 1-taymning o'zida "1+1" qayd etdi. Aytish kerakki, Eldor umumiy olganda juda faol bo'ldi va murabbiyning ishonchini qoyilmaqom darajada oqladi. "Monca" esa oldinda hech narsa o'ylab topolmadi. Ammo, bo'lim oxirida Svilar Ganvulaning zarbasidan so'ng jamoani goldan qutqarib qoldi.
Tanaffusdan keyin hech narsa o'zgarmadi, Pisilyada ajoyib imkoniyat bor edi, ammo Turati yaqin masofada xavfni bartaraf etdi. Shunday bo'lsada, gol yuz berdi, Kristante ajoyib pas bilan jarima maydonchasi ichida Anxelinoni topdi, u esa uzoq burchakka ajoyib zarba berdi. Ammo, bu hali hammasi emas, Dibala burchakdan to'pni o'yinga kiritgach, Kristante boshi bilan aniq zarba yo'llab, yakuniy hisobni o'rnatdi. "Roma" raqiblarining xatolari evaziga evrokubok zonasiga tobora yaqinlashib bormoqda, "Monca"ning vaziyati esa tushkun ko'rinmoqda. Faqat mo'jiza ushbu jamoani yuqori divizionda olib qolishi mumkin.
"Inter" g'alabani tortib oldi
O'yinning boshlanishi juda zerikarli o'tdi va ikkalasi ham xavfli vaziyatlarni yaratishdan ko'ra ko'proq to'pga egalik qilish bilan ajralib turdi. Faqat Masinining uzoq masofadan bergan zarbasini eslash mumkin. "Inter" esa darvozaga aniq zarba bermadi, faqat Pavar jarima maydoni tashqarisidan yaxshi harakat qildi, ammo to'p hatto darvozaga ham bormadi. Nimanidir o'zgartirish kerakligi sezilib turardi.
Tanaffusdan so'ng Korrea o'rniga Taremi maydonga tushdi va o'yin yanada qiziqarli tus oldi. Eronlikning uzatmasidan so'ng Pavar qaychi uslubida zarba berdi, Leali esa buni bartaraf etdi. Ko'p o'tmay Barella ajoyib zarba berdi, to'p ustunga tegdi, Taremi esa qaychi uslubida zarba berishiga bir bahya qoldi. "Inter" tobora ochilib borardi, ammo to'p o'tkazib yuborishi ham mumkin edi. Jarima zarbasidan so'ng Ekuban ajoyib zarba yo'lladi, Martines o'z vaqtida to'pni maydon tashqarisiga chiqarib, xavfni bartaraf etdi. Ammo, "Inter" ajoyib standart ijro etdi, burchakdan uzatilgan to'pni Lautaro boshi bilan darvozaga yo'llab, A Seriyadagi 10-golini urdi. Nima bo'lganda ham, "qora-ko'klar" mashaqqatli g'alabani qo'lga kiritishdi va "Napoli"ning muvaffaqiyatsizligi evaziga endilikda jadvalda etakchilik qilishmoqda.
"Torino" "Milan"ni mag'lub etdi
Uchrashuvning boshlanishi "rossonerilar"ni tushkunlikka tushirdi. To'p tashlanganidan so'ng Menyan jarima maydoni tashqarisiga chiqib ketdi va to'pni olib chiqishga uringanida Tshauga tegib, to'p darvozagacha dumalab ketdi. Asta-sekin "Milan" o'yinni o'z nazoratiga qaytarib, vaziyatlar yarata boshladi, Ximenes juda yaxshi zarba berdi. Ko'p o'tmay, klub Richchining jarima maydonchasida qo'l bilan o'ynagani uchun penalti tepish huquqini qo'lga kiritdi. Pulishich to'pga yaqinlashdi, ammo u Milinkovich-Savichni dog'da qoldira olmadi, serbiyalik darvozabon mavsumdagi 5-penaltidan 4 tasini qaytardi, bu top-5 ligalardagi eng yaxshi ko'rsatkichdir. Darvoqe, "buqalar" ham qarab turishgani yo'q, Menyan Vlashichning zarbasini osonlikcha bartaraf etgani yo'q.
Tanaffusdan keyin "Milan" hujumni davom ettirdi, Reyders ajoyib zarbalar berdi va yana Milinkovich-Savich yaxshi o'ynadi. U tez orada Feliksning xavfli zarbasini qaytardi, ammo Reydersning jarima maydoni ichidan yo'llagan kuchli zarbasini qaytarishning imkoni qolmagandi. Konseysau shogirdlari endilikda hujumga o'tib ketadigandek tuyuldi, ammo buning o'rniga raqib hujumlarini qarshi olishdi. Sanabriya tezkorlik bilan jarima zarbasini ijro etdi va Gineytisga to'p uzatdi, litvalik futbolchi esa uzoq burchakka ajoyib zarba yo'llab, Menyanni dog'da qoldirdi. "Qizil-qoralar" o'yin so'nggida bosim qilishga urinishdi, lekin bundan hech narsa chiqmadi, inqiroz tobora yaqqol ko'rinib bormoqda.
"Komo" "Napoli"ni mag'lub etmoqda
6-daqiqadayoq g'alati voqea sodir bo'ldi, Rrahmani o'girilmasdan, Meret yo'q bo'lgan darvozaga uzatma ijro etdi, natijada ahmoqona avtogol ro'y berdi. Shundan so'ng, "Napoli" tabiiyki hujumga o'tib, vaziyatlar yaratishga harakat qildi, 20-daqiqada avtogollar bo'yicha hisob 1:1 bo'lishi mumkin edi, ammo Perronening oyog'idan qaytgan to'p baribir darvozadan yuqoriroqqa uchib ketdi. Shunday bo'lsada, "partenopeyaliklar"ning bosimi ish berdi, Raspadori darvozabon bilan yakkama-yakka kurashga chiqib ketdi va qarshi tomonga ajoyib zarba berdi. Ko'p o'tmay Lukaku boshi bilan yaxshigina zarba berdi, biroq to'p ustun yonidan o'tib ketdi.
Mehmonlar hujumni davom ettirdi va tanaffusdan so'ng Raspadori ajoyib uzatma bilan Maktominayni jarima maydoni ichida topdi, biroq u darvozadan yuqoriroqqa zarba berdi. Angussining yaxshi imkoniyati bor edi, kamerunlik futbolchi Politanoning ajoyib pasidan so'ng darvozabonni aniq nishonga oldi. Mehmonlar borgan sari ko'proq hujumga o'tib, natijada qarshi hujumni o'tkazib yuborishdi. Pas Diaoga ajoyib tarzda to'pni uzatdi, u bir teginish bilan to'pni qabul qilib oldi, ikkinchi nozik zarbasi bilan esa to'pni burchakka aniq yo'lladi. Oxir-oqibat, Rrahmani o'z aybini yuvishi va raqib darvozasiga gol urishi mumkin edi, ammo bunga biroz omad etishmadi. "Napoli" pasayishda davom etmoqda, "Komo"ni esa faqat olqishlash mumkin.
"Atalanta" "Empoli"ni mag'lub etdi
Bergamoliklar o'yinni zarba bilan boshladi, 5-daqiqadayoq Zappakosta uzoqdan xavfli zarba berdi, darvozabon uni bartaraf etdi. Darvoqe, Karnesekining ham ishga kirishishiga to'g'ri keldi, u kuchli zarbadan so'ng jamoani qutqarib qoldi. Ammo, baribir mehmonlar ustunlikni oshirishdi va yakunda bu golga aylandi. Lukmanning ajoyib pasidan so'ng Zappakosta to'pni darvozaga yo'naltirdi, biroq to'p Gyassiga tegib, darvozaga kirib ketdi va avtogol sifatida qayd etildi. Burchakdan uzatilgan to'pdan ko'p o'tmay, ustun yonida Posh zarba berdi. Bosim davom etdi, qanotdan uzatilgan to'pni Jimsiti boshi bilan uzoqroqqa uloqtirdi, Rettegi esa zarba berib, to'pni darvozaga joylab qo'ydi. Uning o'zi bo'lim oxirida Lukmanga ajoyib tarzda pas berdi, Lukman esa darvozabonni aldab o'tib, bir necha santimetr masofadan zarba yo'llab, masxaraomuz tarzda to'pni darvozaga kiritdi.
Tanaffusdan keyin hech narsa o'zgarmadi, bergamoliklar toskaniyaliklar mudofaasini yorib o'tishda davom etdilar. De Ron maydon markazida jarima maydonchasi ichiga kirib borgan Lukmanni to'p bilan taminladi va u kuchli zarba yo'lladi. Ko'p o'tmay hujumchi zaxiraga olindi va Gasperini unga qo'lini uzatmadi. Aftidan, penalti haqidagi gapdan keyin mojaro tinmagan. Zappakosta esa baribir o'z familiyasini protokolga yozib qo'ydi. O'yin oxirida u qanotdan o'tib, jarima maydonchasi chizig'idan ajoyib zarba yo'lladi va yakuniy hisobni o'rnatdi.
Yana:
"Yuventus" "Kalyari"dan kuchli
"Verona" "Fiorentina"ni mag'lub etmoqda
"Veneciya" va "Lacio" bir-biridan uzoqlashmoqda
Bosh sahifaga
460