Nematillo Qutibaev: "Ruslan uchun xursandmiz"
/ Kiritdi: BestMaster O'qilgan: 970
Proliga 11-turidan o'rin olgan "Aral" – "Sho'rtan" (3:1) uchrashuvidan keyin "Aral" bosh murabbiyi Nematillo Qutibaev matbuot anjumanida ishtirok etdi.
- O'yin haqida fikringiz?
- Avvalambor bizni qo'llab turgan muxlislarga rahmat aytaman va bugungi chiroyli g'alaba bilan tabriklayman. Og'ir o'yin bo'lishini bilgandik va shunga yarasha hozirlik ko'rgandik. Birinchi taymda omadimiz kelib hisobni ochishga erishdik va bu bizga qo'l keldi. Ikkinchi taymda yana ikkita gol urib hisobni mustahkamladik. G'alabadan xursandmiz. Yana xursand qilgani jihati - muhtaram Prezidentimiz tomonidan klubga avtobus sovg'a qilindi, buning uchun katta rahmat.
- Bugungi bahsda Ruslan Qalmag'ambetov ikkita to'p kiritdi. Shu haqda fikringiz?
- To'g'ri, u ikki bor gol urdi, lekin penaltidan foydalana olmadi. Endi penalti ham lotereya. Lekin Ruslan muhimi o'yindan gol urdi va o'ziga berilgan imkoniyatdan foydalandi. Ruslan o'yinga yaxshi kirishib ketdi, uning uchun xursandmiz.
- Navbatdagi tur Toshkentda "G'azalkent" jamoasiga qarshi kechadi.
- Ertaga yigitlarga bir kun dam beramiz va shundan so'ng navbatdagi o'yinga tayyorgarlikni boshlaymiz. "G'azalkent" yoshlardan iborat yaxshi jamoa, o'ylaymanki ularga qarshi qiziqarli bahs kechadi.
Teglar: nematillo, qutibaev, ruslan, uchun, xursandmiz,
← OldingaOrqaga →
Bosh sahifaga
424
25 Iyul 2026, 08:08