Farhod Nishonov: “Muhim g'alabani qo'lga kiritdik”
/ Kiritdi: BestMaster O'qilgan: 2534
Proliganing 11-turidan o'rin olgan “Olimpik MobiUz” va “TerDU” (3:0) jamoalari o'rtasidagi uchrashuvdan so'ng mezbonlar bosh murabbiyi Farhod Nishonov o'z fikrlarini bildirib o'tdi.
– O'yin haqida qisqacha o'z fikrlaringizni aytib o'tsangiz?
– Muhim g'alabani qo'lga kiritdik. Bu g'alaba bizga juda ham muhim edi. Oxirgi turda yutqazib qo'ygandek edik, shuning uchun yigitlarga rahmat, harakat qildi. Kutilgandek maqsadimizga etdik.
– Jamoa birinchi goldan keyin ham ananaviy 4-4-2 sxemasida harakat qildi. Bu o'sha oldingi chiziqdagi ijrochilarga aniq ishonch hosil qilingandanmi yoki natijani ushlashga harakat qilindimi?
– Yo'q, biz rejamizni oxirigacha o'zgartirmadik. Jamoada hozir realizaciyada muammo ko'ryapmiz. Vaziyatlar juda ham ko'p, lekin yakunlashda ozgina yigitlarga o'ziga bo'lgan ishonch yetishmayapti. Harakat qilyapmiz, shu ishonchni, o'sha gol urishni… Bu bo'yicha ko'p ishlar qilinyapti, lekin bilmayman, bosimni engolmayaptimi, qandaydir o'ziga bo'lgan ishonchsizlik yo'qmi. Ko'p vaziyatlarda gol urolmayapmiz. Men o'ylaymanki, vaqtinchalik, hammasi joyiga tushib ketadi. Reja bo'yicha harakat qildik, hech qanday o'zgartirish kiritganimiz yo'q.
– Jamoaga yangi kelib qo'shilganlarning integraciyasi bo'yicha nima deysiz?
– Hali ularga baho berishga erta, chunki bizga tayyor, bizni kuchaytirib beradigan o'yinchi hali kelmadi. Aksincha, biz ularni kuchaytirishga harakat qilyapmiz.
– Transferlar borasida yana yangiliklar bo'lishi mumkinmi?
– Bo'lishi mumkin, chunki hozir tarkibimizni kuchaytirmasak, ayrim poziciyalarga o'yinchi olmasak bo'lmaydi.
Teglar: farhod, nishonov, “muhim, galabani, qolga, kiritdik”,
← OldingaOrqaga →
Bosh sahifaga
337
25 Iyul 2026, 08:10