⚡️Tezkor xabar! Behruz Karimov faoliyatini Shveytsariyada davom ettiradi
/ Kiritdi: BestMaster O'qilgan: 4292
O'zbekiston terma jamoasi himoyachisi legionerga aylanmoqda.
Championat.asia sayti xabariga ko'ra, Behruz Karimov tez orada Shveytsariyaning "Lugano" klubi bilan shartnoma tuzadi. Yaqin kunlarda barcha hujjat ishlari amalga oshiriladi va futbolchi “Lugano“ ixtiyoriga borib qo'shiladi.
"Lugano" - Shveytsariya futbol chempionatining eng o'ziga xos va tarixiy klublaridan biri. Klubga 1908 yilda asos solingan. 2000 yillar boshida klub moliyaviy inqiroz va bankrotlikni boshdan kechirib, quyi ligalarga tushib ketgan. Ammo qayta tiklanib, 2015 yilda Superligaga qaytdi va shundan beri Evrokuboklarning (Yevropa Ligasi, Konferenciyalar Ligasi) muntazam ishtirokchisiga aylandi.
O'tgan mavsumda "Lugano" Shveytsariya chempionatida "Bazel" va "Yang Boyz" kabi grandlarni ortda qoldirib 3-o'rinni egalladi. Shu bois klub Konferenciyalar ligasi saralash bosqichida ishtirok etish huquqini qo'lga kiritdi.
Klub asosan o'tgan asr o'rtalarida katta sovrinlarni qo'lga kiritgan. "Lugano"ning so'nggi katta yutug'i 2022 yilga to'g'ri keladi. O'sha yil mamlakat kubogi egasiga aylangan.
Ayni paytda jamoani shveytsariyalik 44 yoshli mutaxassis Mattia Krochi-Torti boshqarmoqda. U dastlab "Lugano"da yordamchi murabbiy (assistent) bo'lib ishlagan va Pierluiji Tami, Mauricio Yakobachchi kabi murabbiylar bilan birga tajriba orttirgan. 2021 yilda amerikalik investorlar kelishi va avvalgi murabbiy ketganidan so'ng, unga vaqtinchalik bosh murabbiylik topshirilgan. U ko'rsatgan natijalar sababli tezda doimiy bosh murabbiy etib tayinlangan.
Yutuqlari:
Shveytsariya chempioni (3 marta): 1937/38, 1940/41, 1948/49
Shveytsariya kubogi sohibi (4 marta): 1931, 1968, 1993, 2022
2021 yilda klubni amerikalik milliarder Jo Mansueto (AQSHning "Chikago Fayr" klubi egasi) sotib oldi. Klub rivojlanish strategiyasi "Chikago Fayr" bilan sinergiyaga asoslangan: tajriba va skauting bazasi bo'lishiladi, yosh futbolchilar va iqtidorlar AQSH va Yevropa o'rtasida rotaciya qilinadi. Amerikalik investorlar kelishi bilan klubda sport ilmi va raqamli analitikaga (Data Analytics) katta urg'u berila boshlandi. Transfer siyosati "arzon yoki past baholangan qobiliyatli futbolchilarni topish - o'stirish - foyda bilan sotish" zanjiriga asoslangan. Italiyaga chegaradosh hududda joylashgani uchun klub futbolida Apennin yarim oroliga xos taktik tartib va himoya intizomi yaqqol seziladi. Jamoa buni zamonaviy yuqori press va tezkor vertikal hujumlar bilan uyg'unlashtirgan.
Jamoa o'z uy o'yinlarini "Stadio Kornaredo"da o'tkazadi. Bu stadionda 1954 yilgi Jahon chempionati o'yinlari bo'lib o'tgan. Tichino kantoni aholisi uchun "Lugano" shunchaki futbol klubi emas, balki mintaqaning Shveytsariya futbolidagi asosiy yuzi va faxridir.
"Stadio Kornaredo" eskirgani va zamonaviy futbol talablariga mos kelmagani sababli, shahar mamuriyati va klub rahbariyati PSE (Polo Sportivo e degli Eventi) loyihasi doirasida butunlay yangi stadion qurishni boshladi: 10,000 tomoshabinga mo'ljallangan, to'liq yopiq, faqat futbolga moslashgan, yugurish yo'lakchalarisiz zamonaviy arena. Bu arena UEFAning 4-kategoriyasiga mos keladi va "Lugano"ga Evrokubok o'yinlarini o'z uyida o'tkazish imkonini beradi.
Teglar: ⚡️tezkor, xabar!, behruz, karimov, faoliyatini, shveytsariyada, davom, ettiradi,
← OldingaOrqaga →
252841630173983921 
Bosh sahifaga
337
25 Iyul 2026, 16:25