Rashid G'ofurov: "O'zimizga o'zimiz ikkita gol olib keldik"
/ Kiritdi: BestMaster O'qilgan: 9324
Proliga 11-turidan o'rin olgan "Kattaqo'rg'on" – "Yaypan" (2:1) uchrashuvidan keyin "Yaypan" bosh murabbiyi Rashid G'ofurov matbuot anjumanida ishtirok etdi.
- O'yin haqida fikringiz?
- Yaxshi uchrashuv guvohi bo'ldik. Faqat biz o'zimizga o'zimiz gollarni olib keldik. Raqib mehnat qilib to'p kiritdi deya olmayman, hammasiga o'zimiz sababchi. To'g'risi, "Kattaqo'rg'on" jamoasidan bunday o'yin kutmagandim, vaqtni cho'zish maqsadi bor jamoaga yarashmaydi deb o'ylayman. Buning ustiga hakamlar haqida gapiraverib charchadim. Uch daqiqa qo'shgan bo'lsa, shundan bir daqiqasi sariq kartochka berish bilan o'tdi. Zamonaviy futbolga umuman to'g'ri kelmaydigan holat. Maydonga chiqqandan keyin odam rohat olib futbol o'ynashi kerak. Gol urgandan keyin yotib olish yarashmaydi. Muxlislar ham chiroyli o'yin ko'ramiz deb stadionga kelishadi. Tushunaman, natija kerak, lekin baribir futbol birinchi o'rinda turishi lozim.
- Bugun raqib safida besh nafar yangi futbolchi maydonga tushdi. Tarkibdagi o'zgarishlar siz uchun qanchalik kutilmagan bo'ldi?
- Menga buning umuman farqi yo'q. Tarkibni o'rganishga harakat ham qilmadim. Men uchun o'z jamoamning ko'rsatadigan o'yini muhim. O'zimizda muammolar etarli, to'rt nafar futbolchimiz bugun o'ynamadi. Agar shular maydonda bo'lganida bahs boshqacha kechgan bo'lardi. Kim keldi, kim ketdi - doim bunga qarash kerak emas, baribir hamma jamoalar bilan o'ynaymiz.
Teglar: rashid, gofurov, ozimizga, ozimiz, ikkita, olib, keldik,
← Bosh sahifaOrqaga →
Bosh sahifaga
301