MLS Messining diskvalifikaciya qilinishi masalasi bo'yicha qaror qabul qildi

2026-07-27 09:18:02 / Kiritdi: BestMaster O'qilgan: 1668

Argentina terma jamoasi va "Inter Mayami" klubi hujumchisi Lionel Messi ketma-ket ikkinchi marta MLS Yulduzlar o'yinini o'tkazib yuboradi.

Bu safar hujumchi diskvalifikaciyadan omon qoladi.

"2026 yilgi mavsum starti oldidan MLS va MLS O'yinchilari assotsiatsiyasi jahon chempionatidan chiqib ketgandan so'ng dam olish va mashg'ulotlarga qaytish jadvalini aniqlash uchun klublar tomonidan futbolchilar bilan yakka tartibda suhbatlar o'tkazishga kelishib olishgan edi. Ushbu kelishuvga muvofiq, Lionel Messi va Rodrigo De Paul 2026 yilgi MLS Yulduzlar o'yinida ishtirok etishdan ozod qilindi", - deyiladi tashkilot bayonotida.

Messi va De Paul 2026 yil 19 iyul kuni Ispaniya terma jamoasiga qarshi kechgan jahon chempionatining final o'yinida (0:1) ishtirok etishgan edi. Takidlash joizki, 2025 yilda argentinalik futbolchi Yulduzlar o'yinini o'tkazib yuborgan edi, buning sababli MLSda bir o'yinlik diskvalifikaciya olgandi.

Messi va De Pauldan tashqari, Mbekezeli Mbokazi hamda MLSning joriy mavsumidagi to'purarlar poygasi yetakchisi, "Monterrey"ga o'tish uchun ligani tark etgan belgiyalik Ugo Keypersning ham Yulduzlar o'yinidagi ishtiroki bekor qilindi.

Ularning o'rniga MLS terma jamoasi tarkibiga Yannik Brayt ("Inter Mayami"), Andres Kubas ("Vankuver"), Gilerme ("Xyuston Dinamo") va Filip Cinkernagel ("Chikago") kiritildi.

Teglar: messining, diskvalifikaciya, qilinishi, masalasi, boyicha, qaror, qabul, qildi,
← Oldinga Orqaga →