- O'yin haqida
Albatta, o'yinimizdan qoniqqanimiz yo'q. Nimalar etishmayotganini aniqlab, o'rganib chiqamiz. 3-4 kun oldin o'ynaganimiz va 3 kundan keyin o'yinimiz borligini inobatga olib, 3-4 nafar futbolchimizga dam bergandik. Bugungi o'yin manzur kelmadi. Zaxira futbolchilari ham o'z darajasida to'p tepa olmadi. Kamchiliklar ustida ishlab, "Olimpik-MobiUz" bilan o'yinga tayyorgarlik ko'ramiz.
- Bugun "Olimpik" juda ko'p xato qildi...
- Biz "Jayxun" bilan suniy maydonda harakat qildik. Shundan so'ng yana suniy maydonda shug'ullandik va tabiiy maydonda o'ynamadik. Maydondan maydonga moslashish qiyinchilik tug'dirdi. Tarkibimiz ko'plab yoshlardan iborat. Shuningdek, nisbatan tajribali futbolchilarimiz bor. Lekin bugungi o'yinda tajribali o'yinchilar o'z darajasida harakat qilmadi.
- "Olimpik" ketma-ket mag'lubiyatga uchramoqda. Bu vaziyatdan qanday chiqib ketmoqchisiz?
- Bunday paytda negativ narsalarni o'ylamaslikka va ijobiy holatlarni o'ylashga urinamiz. Keyingi o'yingacha vaqt kam. Bazi o'yinchilarimiz jarohatda. Ular qaytsa, bizga ancha foydasi tegardi. Hozirda darvozabonlardan tashqari o'yinga tayyor 16 nafar futbolchimiz bor. Ularning ko'pchiligi bugun o'zini ko'rsatolmadi. Tarkibimizdagi ko'pchilik yosh bo'lgani uchun ularga negativ muomalada bo'lsak, bu ularga psixologik tomondan noto'g'ri tasir qilishi mumkin.
Bosh sahifaga
131
