Anvar G'ofurov: "Kamchiliklarimiz bor, xatolar ustida ishlaymiz"

2026-07-28 23:54:02 / Kiritdi: BestMaster  O'qilgan: 3538

Superliga 14-turidan o'rin olgan "Xorazm" – "Surxon" (1:0) uchrashuvidan keyin "Surxon" bosh murabbiyi Anvar G'ofurov matbuot anjumanida ishtirok etdi.

- O'yin haqida fikringiz?- Har ikki jamoaga ochko juda kerak bo'lib, oson o'yin kechmasligini bilardik. Etarli vaziyatlarga ega bo'ldik, darvozamoamiz tomon raqib ham etarli vaziyatlar yaratdi. Afsuski, biz foydalana olmadik, raqib esa foydalanib gol urdi. Yutish uchun gol urish kerak bo'ladi, biz shu ishni amalga oshira olmadik. Kamchiliklarimiz bor, xatolar ustida ishlaymiz. Har bir o'yinda futbolchilar borini berishi kerak, bugun ham shunday bo'ldi. O'yinchilarimizga etiroz yo'q. Yanada yaxshiroq bo'lishga harakat qilamiz.- Keyingi rejalar qanday?- Navbatdagi turni "Qo'qon-1912"ga qarshi o'tkazamiz. Menimcha, bu uchrashuv ham oson bo'lmaydi. O'z o'yinimizni ko'rsatishga harakat qilamiz. Umid qilamanki, navbatdagi bahsda to'p kiritamiz.- Aytib o'tganingizdek, ikkala jamoada ham ko'p imkoniyatlar bo'ldi. "Xorazm" haqida fikringiz qanaqa?- Raqib menda iliq taassurot qoldirdi. Yaxshi futbolchilar bor, yaxshi murabbiylar shtabi yig'ilgan. "Xorazm" o'z yo'nalishida harakat qilyapti. Keyingi uchrashuvlarda "Xorazm"ga, shuningdek o'z jamoamiz "Surxon"ga omad tilab qolaman.

Teglar: anvar, gofurov, kamchiliklarimiz, xatolar, ustida, ishlaymiz,
← OldingaOrqaga →