Vozinyaning "Kolo-Kolo"ga o'tishi ortga surilmoqda

2026-07-31 09:48:02 / Kiritdi: BestMaster  O'qilgan: 1966

Kabo-Verde terma jamoasi darvozaboni Vozinyaning Chilining "Kolo-Kolo" klubiga o'tishi hujjatlarni rasmiylashtirishdagi muammolar sababli hozircha ortga surilmoqda.

Bu haqda "AS" xabar bermoqda.

Darvozabon aslida payshanba kuni Chiliga uchib kelishi kerak edi, ammo u reysga chiqmadi, bu esa transferning barbod bo'lishi mumkinligi haqidagi mish-mishlarga sabab bo'ldi.

Futbolchining atrofidagi manbalar muzokaralardagi muammolar haqidagi ma'lumotni rad etib, kelishuv o'z kuchida qolayotganini takidlashdi.

O'yinchi vakillarining so'zlariga ko'ra, ushlanish faqatgina byurokratik proceduralar bilan bog'liq. Kabo-Verdeda Chili konsulligi bo'lmagani sababli hujjatlar Portugaliya orqali rasmiylashtirilmoqda. Shu bilan birga, Vozinya Portugaliya fuqarosi emas, shu sababli jarayon kutilganidan ko'proq vaqt olmoqda.

Hujjatlar bilan bog'liq masala yaqin kunlarda hal etilishi, shundan so'ng golkiper Chiliga yo'l olishi kutilmoqda. Futbolchining yaqinlari u juma yoki yakshanba kuni uchib ketishiga umid qilishmoqda.

Teglar: vozinyaning, kolo-kologa, otishi, ortga, surilmoqda,
← OldingaOrqaga →