PSJ osiyolik futbolchining transferini amalga oshirish uchun barcha talablarni bajarishga tayyor
/ Kiritdi: BestMaster O'qilgan: 4876
PSJ "Parma" golkiperi Sion Sudzukini sotib olish bo'yicha navbatdagi qadamni tashladi.
Parij klubi Italiya tomonining moliyaviy talablarini bajarishga tayyor va futbolchiga faoliyatini davom ettirish uchun alohida variant taklif qildi. Bu haqda jurnalist Fabricio Romano xabar bermoqda.
Avvalroq "Parma" 23 yoshli yaponiyalik futbolchi uchun taxminan 30 million evro olmoqchi ekani xabar qilingan edi. Shu bilan birga, PSJ transferni rasmiylashtirib, darvozabon muntazam o'yin amaliyotiga ega bo'lishi uchun uni darhol ijaraga yuborishni rejalashtirmoqda.
Takidlanishicha, ehtimoliy transfer 2026/27 yilgi mavsum boshlanishi oldidan jamoaning asosiy darvozaboni sifatida ko'rilayotgan Matvey Safonovning mavqeiga ta’sir qilmaydi.
Sudzuki 2024 yildan beri "Parma" safida to'p surib kelmoqda, ushbu davr mobaynida u Seriya Ada 57 ta o'yin o'tkazdi va Yaponiya terma jamoasi safida 28 ta uchrashuvda maydonga tushdi.
Teglar: osiyolik, futbolchining, transferini, amalga, oshirish, uchun, barcha, talablarni, bajarishga, tayyor,
← OldingaOrqaga →
Bosh sahifaga
254
31 Iyul 2026, 11:10