“Atletiko” Alvares atrofidagi vaziyat sabab “Barselona” ustidan RFEF’ga shikoyat qildi

2026-07-31 16:42:02 / Kiritdi: BestMaster  O'qilgan: 744

“Atletiko” Ispaniya qirolligi futbol federatsiyasiga (RFEF) “Barselona” ustidan rasmiy shikoyat bilan chiqdi.

Bu haqda “Marca” nashri xabar bermoqda.

“Atletiko” kataloniyaliklarni hujumchi Xulian Alvaresni safiga qo'shib olishga bo'lgan urinishlarida noetik xatti-harakatlar qilganlikda ayblamoqda. 26 yoshli argentinalik futbolchining “matraschilar” bilan amaldagi shartnomasi 2030 yilgacha mo'ljallangan bo'lsa-da, u La Ligadagi transfer nizolarining bosh qahramoniga aylandi.

Futbolchining o'zi Jahon chempionati vaqtidayoq “Atletiko”ni tark etish istagi borligini oshkora bildirgandi. May oyida “Barselona” ehtimoliy transferni muhokama qilgan va hujumchi uchun taxminan 100 million evro taklif qilishni rejalashtirgandi. Bunga madridliklar ijtimoiy tarmoqlarda xabarlarga ishonmaslikka chaqiruvchi hajviy post bilan javob qaytarishgan. Nizoga qaramay, kataloniyaliklar Alvaresga bo'lgan qiziqishni saqlab qolishmoqda va yangi so'rov tayyorlamoqda, “Barselona” esa berilgan shikoyatga apellyaciya bilan javob qaytarishni rejalashtirmoqda.

Ushbu vaziyatda 10 avgust kuni asosiy burilish nuqtasi bo'ladi, aynan shu kuni Xulian Alvares “Atletiko” Madridning mavsumoldi tayyorgarligiga yetib kelishi kerak. Uning qaytishi futbolchining poziciyasini birinchi manbadan bilib olish imkonini beradi.

Teglar: “atletiko”, alvares, atrofidagi, vaziyat, sabab, “barselona”, ustidan, rfef’ga, shikoyat, qildi,
← OldingaOrqaga →