Kanselu “Al Hilol” yig'iniga kelmadi: klub uni jarimaga solmoqchi

2026-07-31 19:30:02 / Kiritdi: BestMaster  O'qilgan: 1076

“Al Hilol” himoyachisi Joau Kanselu jamoa qarorgohiga yetib kelmagani uchun jarimaga tortilishi mumkin.

“Diario Sport” nashrining ma'lumotiga ko'ra, portugaliyalik futbolchi klubning Avstriyadagi mavsumoldi yig'iniga kelmagan. U ayni damda Portugaliyada bo'lib turibdi va agenti Jorje Mendesh uni “Barselona”ga qaytarish bo'yicha muzokaralar olib bormoqda.

Saudiya Arabistoni klubi rahbariyati tartibni buzgani uchun futbolchiga nisbatan intizomiy choralar qo'llash imkoniyatini ko'rib chiqayotgani xabar qilinmoqda. Manbaning takidlashicha, Kanseluning yo'qligi tomonlar o'rtasidagi muzokaralarga yanada keskinlik qo'shgan.

Shunga qaramay, “Barselona” optimizmni saqlab qolmoqda va bitimni 10 million evrodan kamroq summaga yakunlashga umid qilmoqda. Kataloniyaliklar yuzaga kelgan qiyinchiliklarga qaramay, transferni yaqin orada hal qilish mumkinligiga ishonadi.

Teglar: kanselu, “al, hilol”, yiginiga, kelmadi, klub, jarimaga, solmoqchi,
← OldingaOrqaga →