Fabricio Romano diskvalifikaciyasi bekor qilingan Mixail Mudrikning kelajagi haqida insayd berdi

2026-08-01 10:03:01 / Kiritdi: BestMaster  O'qilgan: 2114

Insayder Fabricio Romano "Chelsi" vingeri Mixail Mudrik atrofidagi vaziyat haqida gapirib berdi.

"Avgust oyida "Chelsi" Mudrikning holatini baholaydi va uni jamoada olib qolish yoki ketishiga imkoniyat berish borasida bir qarorga keladi. Ehtimol, ijaraga berilar. Voqealar rivojini kuzatamiz. Hozirda Mudrik faqatgina maydonda sheriklari bilan birga bo'lishni, futbol o'ynashni va o'z mahoratini ko'rsatishni istamoqda. U bir muddat mustaqil ravishda mashg'ulot olib bordi. Mudrik tayyor va biz bundan buyon nima bo'lishini ko'ramiz", - dedi Romano o'z YouTube-kanalida.

Eslatib o'tamiz, avvalroq Mudrikdan antidoping qoidalarini buzgani uchun qo'yilgan diskvalifikaciya olib tashlangan edi. 2024 yilning dekabr oyida ukrainalik futbolchining doping-namunasida meldoniy aniqlangan edi.

Mudrik "Chelsi" safidagi so'nggi rasmiy o'yinini 2024 yilning noyabr oyi oxirida Konferenciyalar Ligasi guruh bosqichida "Xaydenxaym"ga qarshi (2:0) o'tkazgan. Ushbu uchrashuvda ukrainalik futbolchi gol urishga erishgan. Umumiy hisobda u London klubi safida 73 ta o'yinda maydonga tushib, 10 ta gol va 11 ta golli uzatmaga mualliflik qilgan.

Teglar: fabricio, romano, diskvalifikaciyasi, bekor, qilingan, mixail, mudrikning, kelajagi, haqida, insayd, berdi,
← OldingaOrqaga →