Kannavaro "Bunyodkor" qarorgohiga tashrif buyurdi

2026-08-01 21:12:01 / Kiritdi: BestMaster  O'qilgan: 4200

O'zbekiston milliy terma jamoasi bosh murabbiyi Fabio Kannavaro o'zining murabbiylar shtabi bilan birgalikda Toshkentning "Bunyodkor" klubi qarorgohiga tashrif buyurdi.

Tashrif doirasida italiyalik mutaxassis poytaxt jamoasining holati bilan tanishib, futbolchilar hamda murabbiylar bilan yaqindan suhbatlashdi. Bosh jamoa ustozining bunday e'tibori og'ir kunlarni boshidan kechirayotgan klub a'zolari uchun o'ziga xos ruhiy madad vazifasini o'tab berdi.

Uchrashuv yuzasidan "Bunyodkor" bosh murabbiyi Ilyos Zeytullaev o'zining fikrlari bilan o'rtoqlashdi. "Bugungi tashrif va ayniqsa, klub uchun juda murakkab bo'lgan bir vaziyatda jamoamizdagi barchaga bildirgan daldasi uchun mister Fabio Kannavaro va uning murabbiylar shtabiga minnatdorchilik bildiraman", – deya ta'kidladi italiyalik hamkasbiga minnatdorlik bildirgan Zeytullaev.

Takidlash joizki, italiyalik mutaxassislarning ushbu tashrifi bejizga "murakkab vaziyat" sifatida baholanmadi. Poytaxt klubi ayni paytda o'ta og'ir moliyaviy inqirozni boshidan o'tkazmoqda. Asosiy homiy tomonidan moliyalashtirishning to'xtatilishi oqibatida futbolchilar va klub xodimlarining maoshlari bir necha oydan buyon kechikmoqda, qolaversa, sobiq legionerlar oldidagi qarzdorlik masalalari tufayli jamoa ichkarisidagi muhit ancha chigallashgan. Shunday qaltis bir sharoitda milliy terma jamoa bosh murabbiyining shaxsan klub bazasiga kelib, jamoa a'zolarini qo'llab-quvvatlashi futbolchilardagi tushkun holatni biroz bo'lsa-da yumshatishga xizmat qildi.

Teglar: kannavaro, bunyodkor, qarorgohiga, tashrif, buyurdi,
← OldingaOrqaga →